為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2021 年 07 月 14 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

領展突破隔離困局

疫情激化新舊經濟之爭,市場焦點隨之轉移,其中投資者對零售和辦公室收租股,取態尤其審慎。不過,領展房地產投資信託基金(0823)不但冇呈現弱勢,更錄得業務增長,截至今年三月財政年度,收入微升並扭虧為盈,令市場刮目相看。業績公布後我立刻請公司執行董事兼行政總裁王國龍(George)上電台節目解畫兼分享未來動向。
George先解釋,增長動力來自海外商廈。公司物業位於澳洲悉尼及英國倫敦,兩地雖然都受到疫情困擾,但由於租戶主要係跨國企業或政府部門,信用良好,因此所有單位均獲承租之餘,亦按時收到租。兩幢商廈分別在上年四月和八月開始產生租金收入,為公司帶來及時雨,有效填補香港業務放緩幅度。
香港市場方面,社交距離措施難免影響商業營運,對教育中心、餐飲業、健身中心及遊戲中心打擊尤為沉重。領展深明與租戶係唇亡齒寒嘅夥伴關係,因此上年二月中旬疫情之初,推出「商戶同舟計劃」,至今累計投入六億港元,惠及所有租戶。具體紓困措施包括減免租金、提供免租期、准許分期納租、豁免罰息及服務費,以及提供額外泊車優惠,按租戶實際經營狀況推行針對性措施。

領展執行董事兼行政總裁王國龍(左)。

 


同舟計劃以外,公司積極與商戶商討租約重組,亦加強宣傳,例如支援飲食業租戶推出線上落單及外賣自取服務,進一步支持商戶渡過難關。雖然一系列舉措使商場收入下跌近半成,但有助領展保留租戶,維持高出租率。市場亦睇好領展將受惠於電子消費券,公司同支付平台合作,相信可以分一杯羹。
出租率持續高企,亦有賴本地創業者睇準大市減租時機,逆市開舖。George相信,投資者夠膽頂舖嚟做,係因為領展商場坐落民生區,人流有一定保證。事實上,公司於上一財年簽訂逾四百份新租約,當中三至四成租客係未合作過嘅新商戶。停車場方面,隨住限聚令逐步放寬,香港市民重拾消費意欲,George預計時租車位收入會跟隨零售銷售一齊上升。目前時租車位需求已回復至社會事件前水平,公司亦有稍微調整部分停車場收費,以平衡供需。
領展在香港擁有一百二十七項資產,年內合共完成三個資產提升項目,估計全部都可取得高單位數至低雙位數投資回報。公司會套用香港嘅物業翻新經驗,為內地資產升級。其中深圳領展中心城係公司首個內地大型資產提升項目,預期今年內竣工,屆時可注入雙位數投資回報。
公司最近亦以三十二億元人民幣收購廣州太陽新天地購物中心,成為第六個內地項目。由於前業主管理問題,商場出租率只得七成,基本租金收入遠低於同區其他商場。領展喺廣州有資產營運經驗,亦掌握市況,接手後將大力改善管理,並創造協同效應,有信心可以提升租賃情況,全面釋放物業價值。項目屬區內唯一具規模購物中心,享有獨市優勢,加上附近交通配套將逐漸完善,以及相鄰地帶正醞釀重建,資本升值潛力豐厚。