為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 遂心如爾 2021 年 07 月 15 日

梁爾紋

我是我!我是梁爾紋!入行二十四年,由傳媒變成現任寰亞傳媒集團媒體總監。負責寰亞電影、唱片、演唱會及藝人的宣傳工作。有幸跟不少圈中紅人名導,成為好友,於人生路上,互相扶持。

心靈法則

言教不如身教,身教不如境教。
林嘉欣做到了。
過去八年,林嘉欣為香港與法國藝術文化交流,不遺餘力,即使因為疫情關係只能留在香港,她依然堅守大使使命,積極推廣。最近她獲法國政府授勳為「Chevalier de l’Ordre des Arts et des Lettres」,以表揚她多年來努力宣揚法國藝術。日前由丈夫袁劍偉和兩個女兒陪同下,到法國駐港領事官邸授勳。
曾留學法國、對當地文化非常熱衷的嘉欣,不經不覺擔任法國五月藝術節大使(Le French May)已踏入第八個年頭,每年都會遠赴法國的她,與當地來自不同界別的藝術家進行文化交流,法國各種藝術文化。
去年四月,她收到授勳通知,最初還以為被整蠱:「因為封信係由加拿大政府發出,話我獲法國政府授勳,我睇咗封信好多次,仲問我先生『係咪呃人o架?疫情仲有呢啲騙案?』後來先知,原來因為我喺加拿大出世,法國認證我嘅國籍,所以封信由加拿大寄出。知道係真事嘅時候,感覺超現實。」

林嘉欣為香港與法國藝術文化交流,不遺餘力,最近她獲法國政府授勳為「Chevalier de l’Ordre des Arts et des Lettres」,以表揚她多年來努力宣揚法國藝術。

 


授勳當日,她穿著黑色套裝裙,帶着甜美親切的笑容,跟觀禮的親友和嘉賓談笑甚歡,她告訴我其實心裏很緊張:「因為冇得飛,太耐冇去法國,冇機會講,法文大退步,所以我搵咗一個好好嘅法國朋友幫我翻譯致辭內容。」還安排兩個女兒協助法國領事進行儀式,能夠與摯親分享人生重要時刻,從嘉欣的笑容看到幸福。
「兩個囡囡負責托住個放有勳章嘅枕頭仔行出嚟,我同佢哋喺屋企綵排過,但屋企個枕頭大好多,哈哈,所以嚟到領事館,我哋都有綵排多一次,之前仲帶佢哋買過條新裙仔,因為我兩個囡囡好似野人,通山跑,平日着嘅衫穿晒窿,所以一定要帶佢哋去買衫。」
授勳儀式後,嘉欣分別以法文及廣東話致辭:「我衷心多謝French May團隊,令我過去八年,認識到好多世界頂尖嘅藝術家。多謝我嘅屋企人和朋友,包容我每年去法國交流,我絕對需要佢哋嘅了解同支持。仲有多謝林建岳博士,一直喺背後支持我,容許我去探索同發展。今次能夠得到呢個榮耀,我會如常學習,如常生活,亦都會教導囡囡,要努力尋找自己嘅夢想,我一直身體力行做一個榜樣,希望佢哋會知。」
見她的兩個小可愛健康快樂地成長,幸福!