為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 07 月 08 日

音樂會優先門票火速售罄 趙學而:聽日先正式公開發售

學而的音樂會門票今日優先發售。

入行27年的趙學而日前宣佈下月22-23日在九展Music Zone舉行《學而我們的音樂會2021》,門票今日在網上優先發售,有不少fans講到明準備狂撳F5去搶飛,結果門票在短短數小時內售罄。

門票很快便售罄,學而鼓勵大家明天再努力。

學而其後轉發留言並說:「今日只係優先訂飛啫,聽日先正式公開發售嘅,大家加油啦!多謝~」其實在開賣前夕,已經有不少人已經打定輸數,覺得自己一定撲飛無望,當時學而表示阿婆一把年紀都未放棄:「正面啲,做人要有希望,決心同堅持,好多時喺人生中會帶嚟驚喜嘅,Good luck,各位!」

有網民留指場地太細。

最後有fans不負學而所望,成功搶到飛!學而亦有留言:「各位老細,恭喜晒!多謝晒!辛苦晒!各位弟弟妹妹哥哥姐姐叔叔阿姨,到時見!」有fans笑問說:「你又係嘅......起碼都去隔離Star Hall啦,book得個Music Zone玩嘢咩......利申:今朝買到。」學而搞笑地回覆:「乜啫你⋯唔係下下都要玩咁大o架嘛!」