浪漫就是……

甚麼是浪漫？
那晚，坐上尾班電車遊港島，大汗疊細汗之間，沿路欣賞中環、銅鑼灣到跑馬地的夜景，沒有感慨，只感受到香港很美！
那晚，是為鄭欣宜新歌《先哭為敬》與梁嘉茵（Serrini）的合唱版拍MV，訴說兩個女人的浪漫。
今年元旦，欣宜與Serrini在頒獎禮上首次同場，引爆網民熱話，紛紛留言希望她們Crossover。其實早在去年她加盟寰亞時，已主動向公司要求與對方在音樂上合作，期待擦出火花，果然在公司積極牽紅線下，如願以償。
欣宜透露由收Demo到拍MV前，與Serrini一直都只是「網友」，首次見面，一見如故。

鄭欣宜為新歌《先哭為敬》與梁嘉茵（Serrini）的合唱版拍MV，訴說兩個女人的浪漫。

欣宜說：「我有睇Serrini嘅演出和MV，好鍾意佢嘅歌聲和風格，感覺我同佢好似來自同一塊料子，雖然各有風格但又好夾，所以我同公司講好想同佢合作，終於等到佢嘅Demo，一聽就好鍾意，但當時見到歌名寫住『男人歌』。可能我唔輸得嘅性格，見到『男人歌』三個字就偏要唱。」到底這歌原本為誰寫？欣宜旁敲則擊，Serrini和另一位作曲人HimHui非常口密。
欣宜和Serrini拍MV遊叮叮河，HimHui亦亮相MV彈琴，填詞人Wyman驚喜現身探班打氣，好朋友們迫滿車廂，有說有笑好不熱鬧。
初次見面，欣宜一見面就讚Serrini：「好羨慕佢條腰，我無呀！」Serrini大讚欣宜好靚和佩服她的自信，欣宜坦言：「我試過素顏戴帽，以為無人發現，結果一樣被人認出，咁算啦，不如我擺埋甫士，最緊要影得我靚啲！」
講到「哭」，她們異口同聲表示大個女，不再隨便為男人流淚。Serrini說：「呢家睇戲，或者同朋友傾傾吓偈會眼濕濕。」
欣宜非常認同說：「我呢家亦好少因為辛苦或傷心而喊，反而會為別人將負面情緒轉化為力量，我會堅強奮鬥而感動到喊。」
兩個不愛哭只愛唱歌的女人，以音樂連結友誼，廣東歌萬歲！