疫市「柬」樓

我喺二○二○年一月疫情爆發前，跟金鏗集團去柬埔寨，當時第一次踏足呢個國家，見到當地經濟發展和建設，有大開眼界嘅感覺，今日依然記憶猶新。呢個旅程其中一站係參觀公司開發嘅首都．國金（Urban Village）第二期，以及同一幅地皮上發展嘅創意園Factory。
一年半過去，可能你會覺得柬埔寨在疫情下經濟唔會太好，上年在當地置業人士會唔會損手？創意園招商又是否順利？到底柬埔寨在疫情前後有乜轉變？一連串問題，我當然直接向公司執行董事陳潔盈（Catherine）和主席李駿機（Ben）提出。
佢哋先講返在柬埔寨發展物業嘅初衷。金鏗集團本身係全球五大毛衣製造商之一，營運九間針織工廠，當時我都有順道參觀。公司一九九六年進入柬埔寨以來，相繼開拓農業種植、保險金融、印刷和家具生產等業務，作多元化和跨國發展，於是越請越多人，高峰期僱員人數達十萬。

金鏗集團主席李駿機（左）和執行董事陳潔盈（右）。

於是公司構思開發地產項目，純粹希望協助員工置業，結果無心插柳柳成蔭。一二年開始策劃首都．國金，項目第一期已屆現樓，住戶陸續入伙，樓盤贏得口碑亦獲不少獎項。
第二期已經動工，預計二二年入伙。單位設計由國際知名事務所主理，充滿時尚感。項目設有開放式、一房至三房，以至複式戶型，標準戶建築面積由三百到一千平方呎不等。最重要係項目定價相宜，呎價由一千九百元（港元，下同）起跳，最平嘅單位八十五萬元有交易，入場門檻比其他東盟國家低。
公司最近在港舉行樓盤推介會，人數受限聚措施所限，於是分開舉辦六場，我參加其中兩場，分享上年所見所聞。參加者對項目非常感興趣，部分更即時「柬」樓，Catherine同我講，兩日推介會促成幾十單成交。投資者好識貨，因為假如上年買入單位，到今年已有一成幾升幅。
對於後市公司仍然睇好，原因之一係宏觀利好因素。柬埔寨政府一直為外資設立優惠措施，例如容許佢哋全資持股和享受免稅政策，加上經營成本低，被譽為「廠家天堂」。政局穩定和匯兌風險低一直係柬埔寨嘅優勢，有助締造良好投資環境。作為發展中國家，柬埔寨近十年GDP每年平均增長百分之七點二，資產增值勢頭強勁，一八年就錄得逾一成六升幅；加上如果唔係自住，買家可採用公司提供、為期兩年嘅售後租回服務，每年租金回報率九厘，高過好多市場。預期隨住二三年東南亞運動會啟動，以及大型基建項目上馬，物業升值潛力可進一步釋放。因此，計我話稱柬埔寨為「業主天堂」亦不為過。
公司在地皮預留空間打造創意園，裏面有全東南亞最大型共享工作空間，目標係鼓勵柬埔寨年輕代創業。截至今年四月，園區收納超過一百間來自世界各地嘅初創企業，目前處於滿額狀態，並且長期有waiting list。裏面亦有全柬埔寨最大型美術館，都係園區賣點，更可以為住戶增添色彩，當然唔少得零售和餐飲場所，可以滿足生活所需。