為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 07 月 02 日

針場宣傳不到位 梁國齡:蝕了兩轉

政府啟動新冠疫苗接種計劃已三個幾月,但接種率遠不及預期,部分接種中心更一度傳出因為「蝕得甘」有意提早關閉。投得將軍澳體育館「針場」嘅康健國際醫療集團營運總監梁國齡醫生都自爆一開波已經要蝕錢,「我哋特別傷,人哋蝕一浪,我哋蝕兩浪!」
何解要蝕兩轉?原來佢哋起初諗住主打「復必泰」,正當準備就緒之際,突然收到政府通知,希望佢哋轉打「科興」,可惜開打無耐,負面新聞接踵而來,單係向市民解畫已需增撥近十名人手,仲未計每更出動十多名醫護,雖然每針可以收到七十二元,但頭兩個月收到嘅錢,遠遠唔及人工開支咁話,「查詢打針嘅人非常多,但打針嘅人少。」
正當梁醫生度掂如何調配人手減輕「皮費」,當局要求佢哋轉打「復必泰」,「我哋唔熟如何開針,要搵三至四名醫護專責做,結果開針初期又再蝕一筆!」到底至今蝕了多少?梁國齡無講實數,只肯講「我哋笑住蝕」,但坦言部分「針場」營運者眼見虧蝕愈來愈大,加上擔心醫療風險,曾提出想「斬纜」,但康健管理層認為個袋仲有錢,好應該幫吓基層市民,最終決定頂硬上。

接鍾疫苗人數偏低,梁國齡坦言「蝕住來做」,呼籲政府高層官員多到社區親自解說。

 

梁醫生與團隊營辦將軍澳體育館「針場」,為應付大量查詢,每天需增撥同事幫手解說。