為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2021 年 07 月 01 日

前面有樂 容慧恩

人生有時很無奈,一直以為是理所當然擁有的人和物,原來可以在一夜間完全消失。
已故新聞王子鄧景輝的太太容慧恩(Connie),六年前於半年內先後經歷丈夫自殺和父親病逝,痛失兩個摯愛親人。去年任職空姐三十年的航空公司,又突然執笠收場,中年失業。
性格樂觀的她,選擇從容面對,一個人帶着兒子,關關難過關關過,收拾心情後,努力重新出發。去年她先考獲保險牌照,今年初又和朋友在赤柱開設環保健康概念店,積極面對前路的新挑戰。「雖然每次提起阿輝,我都不自覺流眼淚,但我覺得做人應該向前望,唔好向後望,因為後面,只係一個回憶。」
雖然前面仍然有很多未知數,但她選擇樂觀地去迎接每一天。

 

 

 

 

開環保概念店

曾任職空姐的Connie,可以說是陪着港龍航空一起成長,由小型客機737,做到大型客機A330年代,在晴空萬里飛越三十個年頭。
「港龍唔係好大,得二千個空姐,五百個機師,但好多同事都互相認識,就好似一個大家庭。所以當日收到消息話公司結業,大家都好驚訝,個個一開公司部平板電腦,睇住啲app五秒內消失,之後就再登入唔到。
「到下午公司正式宣布結業,大家都好無助、好心寒。我年資高,薪酬高,預咗喺疫情下公司要節流,就會俾人cut,但冇諗過成間公司二千五百人cut晒,突然冇咗間公司,冇咗一個香港品牌。我當時有喊,驚覺原來有啲嘢,可以一日之內冇晒。」
事後她和幾個朋友相聚「圍爐」,閒聊下萌生合作創業的念頭。他們看準巿場需要,在赤柱開設了一間實體環保健康概念店。「以前因工作關係,去過唔少國家同城巿,發現好多地方都推崇健康生活,其中一個partner喺澳洲同英國讀過書,嗰邊好流行organic同natural食品,大家一拍即合,就朝呢個方向去搞。大家各自發揮專長,其中一位朋友開過公司就負責營運,另一位負責入貨、識電腦嘅就負責IT,我就係CS對客。
「員工方面,全部請番空姐同空少,希望將空中服務質素帶落地,目標以客為本。我哋亦會提供外國好興bulk-buy消費模式,自己帶容器嚟,店中嘅有機食品,天然護膚品,食幾多,買幾多,唔使積存咁多食物,減少浪費。」

 

她稱港龍是個大家庭,員工之間相處融洽,「公司第一個華人機長生日,我哋team crew喺飛機上同佢慶祝。」

 

兩夫婦婚後常常去旅行,「美國、泰國、韓國、日本,馬來西亞,去過好多地方,睇番啲相有好多回憶。雖然佢選擇呢條路,但我冇怪過佢。」