Beautiful Life

Broken beautiful is beautiful.
這是林嘉欣細女兒跟她說的話。
原來陪伴女兒成長，也會讓自己成長。
嘉欣說：「有一天發現親手整嘅兩個陶瓷唔小心黏住咗，我同個女講，要整爛佢先可以分番開，好可惜，點知細女講咗一句Broken beautiful is beautiful，唔可惜呀！我好感動！」
過去廿年，她用寶麗來當影像日記。二○○九年推出首本寶麗萊攝影集《VOYAGES》時，裏面大都是她一個人生活、旅遊的點滴。十二年後的今天，她特製了珍藏版的story box，記錄了從未對外剖白過的內心世界。
她說：「我喺個倉度攞返啲寶麗萊出嚟，發現好多都有水漬甚至發霉褪色，以前嘅我會歸類呢啲係唔好嘅事，會唔開心，但活到人生呢個階段，明白美麗嘅嘢都有瑕疵，要接受佢包容佢同擁抱佢。」
《VOYAGES》珍藏版中沒有寫下一個字，每張相片卻埋藏千言萬語。

 

相片可埋藏千言萬語，林嘉欣特製寶麗萊攝影集《VOYAGES》珍藏版，紀錄人生的珍貴片段。

嘉欣說：「開始嘅時候我想搵設計師幫我揀相，後來我發現點解呢張相你冇用嘅？呢張相係我同爸爸一齊影o架喎……呢張相係我囡囡第一次去沙灘玩；每一張相都有好多故事喺入面，最後我決定自己做返所有嘢，因為啲相係記錄我日常嘅生活，冇人比我更了解自己，嗰一刻決定㩒個快門嗰個係我。」
嘉欣翻開書中的一頁，裏面是女兒躺在長枱上玩手指的照片，她說：「啲小朋友成日話悶，我就成日同佢哋講，悶係人生最大嘅樂趣，悶嘅時候先可以凝視心靈，同自己個心拉近啲！」
另一頁就是她囡囡聽着音樂在搖頭的相片，她笑說：「嗰日我個女喺個露台聽歌好自然咁跳舞搖頭，我就攞咗個寶麗來出嚟影相，心入面講咗句Yes，佢冇上過跳舞堂都可以跳得咁開心，其實我哋大人都可以，唔好咩都憂慮，做乜都開心去試！」
有天，嘉欣問囡囡甚麼是美？囡囡竟然回答她，幫助別人就是美。
心善則美。