為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 06 月 21 日

開音樂教室培育新一代 林二汶拒做《造星IV》導師

二汶獲邀請在《造星IV》再做導師,但她已婉拒花姐提議。

林二汶昨晚父親節開Live與粉絲互動,她隨後在社交網發文,指自己還有一件事要分享。《全民造星IV》開始招募,上季《造星III》有份擔任導師的二汶獲觀眾大讚,監製花姐(黃慧君)也誠邀她於新一季帶組,惜已遭二汶婉拒:「衷心祝福呢個咁熱血嘅節目,可以繼續製造新一代嘅明星。特別感謝花姐再次邀請我做到呢個節目嘅導師,不過,我口頭請辭了。上台容易落台難。我想像,如果我再次做導師,我都難以超越上一次嘅自己。既然唔能夠做得更好,何不讓更多有才之士去做?經過深思熟慮後,我先下呢個決定。」

 

二汶社交網全文

因參加節目而得到「二汶爸爸」暱稱的她續道:「《全民造星》呢個節目,畀咗『二汶爸爸』呢個稱號我。到今日,依然有人叫我二汶爸爸。呢個節目,真係帶畀我好多好多嘢,我衷心好感激花姐同ViuTV畀咗呢個機會我。花姐成日叫我唔好多謝佢,其實我最多謝嘅係佢。」

二汶多謝花姐給予機會,讓她在《造星III》收穫不少。

二汶是《造星III》A組導師。

二汶亦因為曾擔任節目導師,發現從小培養才華及天賦相當重要,故她決定籌備音樂教室,「希望將音樂從教育伸延落去,選址同師資已經確定,希望不久將來可以同大家分享呢份喜悅 祝各位父親節快樂❤️」不少家長也留言要為子女報名,力撐二汶開音樂教室。

《造星IV》今日起接受報名。