為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 06 月 15 日

首合作外賣平台廣告被洗版 阿Dee肉緊攬實古仔肥仔獻吻被嫌棄

ERROR今次係真正「自肥」,同古仔瘋狂集郵。

ERROR、古天樂、盧覓雪及Agent L.(《ERROR自肥企画》導演曹梓冲)為外賣平台合作拍攝廣告,廣告在昨日見街,而一眾ERROR成員都忍唔住「自肥」,在社交網上載與男神古仔的合照。隊長肥仔(梁業)留言:「我愛古天樂❤️估唔到我可以同佢合作,唔好講咁多攬咗先咀啖先」,不過古仔表情似乎有啲尷尬;阿Dee(何啟華)就表示是「有今生冇來世」,他更扮嘢問古仔可否攬攬,未待對方回答已即刻攬實,十分猴擒!

肥仔表示要錫啖,獲古仔以「尷尬又不失禮貌的笑容」回應。

出雪櫃的保錡就似乎眼濕濕相當感觸,他感性道:「人生路上不能滿足所有人,但我能夠做到的是無愧於心。努力全力做好每件事,感恩有機會和古天樂拍攝」至於成員193(郭嘉駿)早在上月MIRROR尾場演唱會已成功與古仔影相,更獲對方搭膊頭,難怪唔使再次Po合照,因為係人都知佢咩料!

肥仔笑得勁燦爛。

阿Dee自爆影相時即刻攬實古仔。

保錡就舉起V字手勢,又眼濕濕咁。

ERROR、古天樂、盧覓雪及Agent L.齊拍廣告。

193上月已率先同古仔Selfie。

眾人為代言大唱廣告歌。