為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 遂心如爾 2021 年 06 月 18 日

梁爾紋

我是我!我是梁爾紋!入行二十四年,由傳媒變成現任寰亞傳媒集團媒體總監。負責寰亞電影、唱片、演唱會及藝人的宣傳工作。有幸跟不少圈中紅人名導,成為好友,於人生路上,互相扶持。

那一束長髮

同鄭伊健拍廣告有多好玩?
會不停講、不停笑、不停吃。
那天我們在片場笑足一天,原來一頭飄逸長髮的他,從未拍過與頭髮有關的廣告。
首次以招牌長髮成為頭髮保健產品的廣告代言人,拍攝當日他又跑步又駕駛超級跑車展示活力。導演更引用羅家英經典電影動作和金句「豈有此理」教路,讓伊健捉住左右擰頭的節奏,雖然搞笑但很有用,一Take搞掂!
伊健要擔任代言人,事前不但與廣告商的代表見面溝通,了解對方的理念與產品的成份和測試,還親自服用產品超過三個月,他滿意後才答應合作,是一個負責任的代言人。
他說:「呢次產品由三位志同道合嘅藥劑師代理,佢哋話睇咗好多我以前嘅電影作品,好想同我合作。我要求親自試用再決定,用咗三個月,又攞咗去做好多測試,非常滿意,結果一拍即合。」

一頭飄逸長髮的鄭伊健,早前首次以招牌長髮,成為頭髮保健產品的廣告代言人。

 


伊健坦言亦曾有擔心脫髮問題,但他有秘方:「其實冇得太驚嘅,最緊要做好自己,脫髮問題事關遺傳基因、日常護理,我主張多做運動和均衡飲食。不過試咗三個月真係有意外收穫,唔單止髮質好咗,連指甲都變得堅韌,係一個對健康好好嘅補品。」
為展示招牌長髮飄逸效果,導演要求伊健左右擰頭,而且要帶節奏和美感,他靈機一觸,引用家英哥在電影《大內密探零零發》中,經典動作和金句「豈有此理!豈有此理!豈有此理!」,笑到肚痛。
之後導演要求伊健跑步,見他起跑爆發力驚人,我笑他像一隻野豹,他笑說:「平時我有跑步吖嘛!做運動之前次次都有熱身同拉筋,今次只負責跑其實好輕鬆,最辛苦係成隊Crew,佢哋要帶埋器材跟住我跑,你睇我跑得快咋,其實跑得好慢!嘻嘻!」
身手不凡就是身手不凡!
那天,我突然看見粉紅色的天空,嚷着叫他看,他笑說:「當你望到個天粉紅色,即係話俾你知幾個鐘後就會落雨!」
真定假呀?哈哈!