為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 06 月 17 日

金融界選委戰開打 詹劍崙:參選要祝福

新選舉制度條例生效後,喺特首選舉委員會擁有十七席嘅金融服務界別,由於團體票嘅組成定義有所改變,近二百位合資格嘅選民,呢排都要重新登記;「金牌莊家」詹培忠兒子詹劍崙,日前都專程去選舉事務處遞表。
講到金融服務界別選委戰,一六年曾經參選嘅詹劍崙,當年取得二百七十八票當選,仲做埋票王。詹公子今屆會否再次參選?佢就賣關子話仍在審視形勢中,事關改制後,界別內嘅中資機構明顯成為「大台」,單係中資證券業協會已手執六十幾票,仲未計中資期貨業協會起碼坐擁二十幾票,再加上躋身每個會嘅中資代表都有,估計中資手握接近一百票,佔行業接近一半票。」
詹劍崙分析:「預計今屆候選人之爭無上屆咁激烈,但能否當選好視乎中資票嘅取向,如果無主要持份者嘅祝福,相信好難玩到呢個遊戲。」追問佢今次有否獲得「祝福」?佢就笑住咁話:「梗係認為自己有啦,一向同唔少中資機構高層保持緊密聯繫,相信關係唔錯嘅。」
金融服務界選委上屆粒粒皆星,除咗詹劍崙,仲有「殼后」朱李月華、「金王 」張德熙等,且看今屆最終邊個會跑出。

新選舉制度下,中資機構喺金融服務界選委戰中手握近一百票,足以左右大局。

 

金融服務界團體票組成定義有所改變,詹劍崙日前到選舉事務處遞交特別選民登記表。