為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2021 年 06 月 15 日

關慧玲

《東周刊》社長兼總編輯。

鮑魚的故事

跟醫思創辦人鄧志輝(Eddy,圖中)去搵好嘢食,佢介紹友好在中環開嘅日本菜館ODDS。店主鍾思朗(Louie,圖左)是近年冒起甚速的飲食集團Lubud的老闆,這舖開咗不是好耐,當日所見堂食幾乎坐滿,生意不錯。
ODDS開在渣打銀行大廈地舖,Louie話租呢個位有啲天時地利,「店舖前身係一間名牌服飾店,但受反修例事件和疫情夾擊之下關門,空置了一排。」佢話中環區係金融地帶,旺市時地面店舖租金扯得好高,亦大多租給國際名牌店,唔會畀食肆;撞正這兩年零售業唔掂,佢至租到。當然佢計過數,始終中環心臟地點做高檔食肆有可為,不過個舖前身係服飾店,變身日本餐廳的話,好多菜式需要現場做,所以抽風、爐頭、水、電等設施全部要搞過,用足幾個月做裝修,將佢變身高檔日本餐廳。

 

 


佢明白力不到不為財,旗下餐廳嘅食譜,都經過佢試食同改良。佢指着桌上一碟鮑魚,即刻能說起食材的故事來,佢話鮑魚有南非來的,也有日本、中東、澳洲等;而澳洲又分南澳、西澳,產地影響口味和質感,烹調時間亦要微調,佢要試食好多次,試出不同效果,例如南非鮑要煮要耐啲,日本鮑就時間短啲,佢一一試過,有時同一次要試食幾十種不同的煮法,都咪話唔辛苦。
Louie經營食肆算係半途出家,邊做邊改進。佢同Eddy因為生意而認識做埋好朋友。近年在新冠疫情肆虐下,Louie反其道而行,新增六、七家新店,除了渣打銀行大廈也有美利酒店,未來佢希望可以以幾個月增加一家分店的速度繼續擴充,做日本菜、中菜和西餐館。
Louie在加拿大讀書,曾經做過網媒財華社執董,之後又做過髮型美容等生意,○六年為興趣做起飲食業來。第一間樓上店開在銅鑼灣,之後愈做愈多元,目前約有三十多間不同類型的餐廳。
佢話飲食業入行不難但唔易做,十五年來佢經歷過最大的起落,是二○一一年日本「311大地震」及伴隨而來的核污染,日式食肆生意應聲下跌,好在只係持續幾個月,時間唔長至頂得住,近兩年就係另一個大考驗。