為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 06 月 12 日

投票取態逐鋪計 建制派拒盲從政府

無咗泛民後嘅立法會,唔代表政府攞嘢就會暢通無阻,好似早前當局向立法會財委會申請撥款十一億元注資去獎券基金,就僅以一票之微啱啱夠票通過。多名建制派議員喺會上發難,質疑獎券基金嘅運作模式,發難背後全因部分議員有感政府恃住今次申請注資,旨在確保福利服務嘅規劃工作唔受影響,有社福做擋箭牌,斷估班議員都唔敢攔路。不過呢吓「奉旨」心態就辣㷫唔少議員,話明政府提交嘅議案要逐鋪計,唔會盲從政府,其中民建聯今次就投反對票。
至於工聯會,亦無因為披甲上陣解說嘅係黨友兼勞工及福利局副局長何啟明而力撐,雖然黃國健同陸頌雄有投贊成票,但麥美娟同郭偉強就唔知咩事唔喺度,令議案好大機會差一票半票過唔到。最後咁蹺醫學界立法會議員陳沛然路過,畀人拉咗入去投咗贊成票,政府先僅僅過骨。

勞福局派何啟明上財委會爭取撥款,卻遭建制派議員圍插。