為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 06 月 09 日

蜥蜴仔關懷露宿者

人稱「蜥蜴仔」嘅曾德華,近年雖然轉行派傳單、送外賣,但佢仍努力不懈追尋演戲夢,不停試鏡、應徵做臨時演員,參與幕前演出。
由吳鎮宇、李麗珍、謝君豪領銜主演嘅電影《濁水漂流》,蜥蜴仔都有份參演,故事講述一班深水埗露宿者嘅遭遇。東姑聽聞,導演李駿碩睇完蜥蜴仔嘅照片後,覺得佢外型演露宿者好有說服力,所以就安排一個角色畀佢。即使戲中佢僅得三場戲,又冇乜對白,但有機會同吳鎮宇、謝君豪兩位影帝同場,佢亦大呼過癮。
而蜥蜴仔亦因為拍完呢部戲,開始關注露宿者問題,儘管收得四位數字嘅酬勞,但佢都好大方捐咗一千五百蚊畀「無家者協會」。除咗捐錢之外,佢仲出力,之前做義工落區探訪,又幫手派發物資畀一班無宿者,認真有心!

電影《濁水漂流》講一班深水埗瞓天橋嘅露宿者,因為「家園」被掃蕩而告上法庭。至於蜥蜴仔就分別喺三場戲中,跟吳鎮宇、謝君豪兩位影帝同場,令佢感覺好開心、興奮。

 

雖然喺電影中戲分唔算多,但蜥蜴仔都好開心咁出席《濁水漂流》嘅首映禮。

 

導演李駿碩睇完蜥蜴仔嘅照片,覺得佢外型似露宿者,而起用佢演出。

 

拍完《濁水漂流》後,蜥蜴仔捐錢幫助「無家者協會」,之前就做義工派送物資畀一班露宿者,非常之有心。