為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 06 月 07 日

Supper Moment主音娶拍拖6年女友 Sunny: 執手開始一輩子的旅程

Supper Moment主音Sunny與拍拖6年的圈外女友Emily結婚了!

樂隊Supper Moment的32歲主音Sunny(陳仕燊)去年9月宣佈向拍拖6年的圈外女友Emily成功求婚,原來昨日二人已行禮,Sunny正式成為「老襯」!事後Sunny於社交網上載婚照,並留言:「執手開始一輩子的旅程」相中,穿上禮服的他拖着新娘一齊向鏡頭甜笑回望,另一張則是一對新人在教堂大門前咀嘴,幸福滿瀉,一眾圈中好友周柏豪、張繼聰、李幸倪等紛紛送上祝福。

Sunny今日與女友Emily在教堂行禮。

結他手阿雞(梁燿鵬)亦於社交網貼出Supper Moment四子的合照,他寫道:「兄弟,恭喜你同Emily今日終於正式拉埋天窗!從以前覆句SMS都嫌麻煩,到而家能夠籌備整個婚禮,為咗另一半上婚前培育課程,組織自己嘅家庭,咁多年來,深深體會你對尋找幸福嘅熱情,Wishing you and Emily lots of happiness and happy marriage. 以後就係人生另一階段,enjoy the game bro!」由於Supper Moment將於月底在九展開騷,阿雞在文末也搞笑Hastag「畀你放埋聽日後日好rehearsal」,敦促Sunny放完兩天假好歸隊進行綵排。

一對新人在教堂大門前咀嘴,幸福滿瀉。

疫情下似乎觀禮的人數也不多。

至於低音結他手CK(張祖光)也笑Sunny「以後唔單止要交歌仲要交人」,他又於IG Story分享一對新人在教堂宣誓一刻的花絮照,CK表示:「以前剩(淨)係識做音樂,連個雪櫃都唔識得插掣,以前剩(淨)係掛住做音樂,連換個智能電話都覺得煩,前幾日聽到你講,而家乜家務你都識做,直頭想Tag歌:愛是苦中亦能笑着滿足。」鼓手阿達(陳鴻達)亦於IG Story感性留言,指見證二人於疫情中結婚,肯定會成為大家數十年後仍深刻的甜蜜記憶。

新郎Sunny與Supper Moment隊友的合照。

CK指Sunny由乜都唔識的音樂人變成「全能老公」。

阿達指這個疫情下舉行的婚禮,相信會成為大家的深刻回憶。

Sunny正式成為「老襯」!

(左起)阿達、CK、Sunny和阿雞。