突取消法團大會 主席失聯惹建制不滿

將軍澳寶盈花園業主立案法團的改選活動早前鬧出醜聞。話說原定五月十六日開嘅業主大會會投票選出新一屆法團，但就喺開會前一日，現屆法團突然單方面宣布取消大會，引起近二百居民當天走到會場外起哄，上周更向土地審裁處申請命令，要求開會。
有政界人士話，寶盈花園現屆法團係由得到建制陣營支持嘅伍長球做主席，佢取消大會一事並無事先通知街坊好友，事發後更加玩「失蹤」唔接電話、唔覆短訊，即時惹怒一直撐佢嘅建制派支持者。
該政界人士透露，令次法團換屆，伍長球好大機會落敗，而建制陣營早就準備，打算推舉佢做滅罪或防火委員會委員，等佢有機會加入選委會。點知佢怕輸玩失蹤，搞到支持者要重估對佢嘅信任度，分分鍾連累埋同佢拍檔嘅法團司庫都被叮出局。

寶盈花園業主上周向土地審裁處申請命令要求開會。