為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 06 月 05 日

「爆眼女」病歷爭議 高永文:有錯要澄清

黑暴期間受傷的「爆眼女」,近日被揭發不但無爆眼, 仲喺去年九月好精神咁離開香港去咗台灣至今無返嚟。明明無爆眼但成功呃晒全香港人,令謠言引發連串黑暴,害死好多人。
醫管局喺呢件事上嘅處理手法,亦惹來好多質疑。有指「爆眼女」傷勢既然無「爆眼」,何解醫管局一直坐視謠言四散至今都唔出一句聲?只係發表聲明,稱未得到病人同意,唔會向公眾或傳媒披露個別病人嘅具體臨牀情況。
食物及衞生局前局長高永文就認為事件值得深思:「病人當然有權拒絕醫管局披露其病情,但如果佢本人卻走出來主動披露,而所講嘅病情同事實有違背時,醫管局內部是否需要有機制徵詢一下法律意見,睇吓可以點樣作出一啲澄清嘅行動。」
此外,由於網上有唔少醫護評論「爆眼女」嘅傷勢,令高永文感到有啲問題,認為當局應該檢討一下現時醫護人員查閱病人病歷嘅守則,有冇需要加強監管,尤其係非照顧者嘅查閱權限制。

 

 

「爆眼女」被揭發無爆眼,醫管局處理手法惹質疑。