為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 06 月 03 日

香港拍戲過31歲牛一 大馬女神林明禎送吻錫爆Fans

明禎為多謝大家對佢生日嘅愛同祝福,大方送上香吻。要暈啦!

繼電影《救殭清道夫》、《一秒拳王》後,大馬女神林明禎又再次來港拍港產片。早前喺香港結束隔離嘅佢,已經開始進行陳詠燊執導的新電影拍攝工作,忙碌之中更抽時間力撐老友Tonick成員趙善恆(恆仔),出鏡拍攝Tonick嘅演唱會宣傳短片!

前日(31日)係明禎的31歲生日,佢上載向鏡頭送吻影片、多張慶生及蛋糕相到IG。搞笑將31歲寫成13歲生日嘅明禎留言:「今年的13歲生日在香港,好特別,好喜歡!一個人在這裡但有好多人的照顧,每天忙的很幸福。」由於明禎香吻影片只有短短兩秒所以不斷重複,女歌手吳汶芳搞笑留言被明禎錫到頭暈,相信一眾Fans睇到片都招架唔住!

好沖擊兼心動嘅影像!

明禎扮影相,唔知係咪收到嘅生日禮物?

明禎生日願望好簡單:「一樣大家的世界和平再和平,還有留言區滿滿滿的(蛋糕Emoji)。」IG仲有明禎露香肩切蛋糕嘅短片,相信明禎都慶祝咗好多次生日,大量網民祝上生日祝福。

明禎捧住蛋糕慶生。

為咗練好廣東話拍新電影,明禎叫大家呢幾個月只可以用廣東話同佢講嘢。

明禎生日許願世界和平!

露香肩切甜品,應該都係慶生之一。

蛋糕上寫「工作加油,等你回來」,相信明禎喺台灣已經提早慶祝生日。

第五個蛋糕。

第六個蛋糕。

第七個蛋糕,點解明禎可以食極都唔肥o架!

明禎早前特意幫手拍攝Tonick嘅演唱會宣傳短片,兩個人搞笑扮拎對方簽名!

兩度演出恆仔執導電影,電影《救殭清道夫》中,明禎扮可愛女殭屍。

破千萬票房嘅港產片《一秒拳王》,明禎飾演周天仁的堂妹小瑤。