為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 06 月 01 日

晒棟高腳豪邁水著照 麥明詩坐姿吸引方力申自薦做游水教練

麥明詩IG晒棟高腳豪邁水著照,吸引方力申主動話要做她游泳教練。

29歲的「十優港姐」麥明詩(Louisa)「升呢」「亞視一姐」火速拍完網劇《逐流時代》後,經已恢復打工仔身份,全職做返商業顧問。不過,麥明詩被指進化成「女神」謝安琪,唔止愈嚟愈靚,仲愈嚟愈富貴,之前分別手持20萬炒價嘅Hermes 金扣舵鳥皮Mini Kelly bag同埋炒價28萬嘅特別綠Kelly bag做開工「道具袋」,好架勢!因為呢啲特別款,即使係專屬會員肯配貨都未必買得到。

名牌包包價值一百幾十萬算等閒,早前她以低市價逾兩成價錢,把屯門「納米樓」單位轉讓畀母親何小娟,回復首置身份後,再聯同哥哥麥明山重錘出擊,兄妹以1,678萬元買入長沙灣一個私人屋苑高層C及D室相連單位,真有本事 。

網民大讚麥明詩有樣有身材,最搞鬼竟有網民提她經已夠晒靚了,不用再進化。

Louisa有學歷,有樣貌、有身材,吸金力堅強!昨日她喺社交平台分享水著照,身穿黑色一件頭運動款泳衣,豪邁地腿張開,棟起一隻腳,另一隻腳就屈住坐,坐姿帶點誘人。她英文留言:「I love swimming. The tranquillity, the solitude, the freedom. (Also swimming helps burn fat and good for joints)我喜歡游泳,寧靜、孤獨、自由。(游泳也有助於燃燒脂肪和良好嘅關節。」游泳健將方力申見post即留言問她:「要上技術改進課程嗎?」麥明詩心心眼回覆:「好喔!」

就算麥明詩今次冇谷胸,但奔放豪邁嘅坐姿都贏晒,網民滿心歡喜肯收貨,紛紛留言:「女神」、 「果然出水芙蓉」、「坐姿差啲,但夠型、豪」、「美腿女神」、「好fit」、「sexy」、「係咪瘦咗?」、「想同你游」、「股惑」,有網民甚至咁留言:「五官醫美進化得剛剛好,夠晒靚啦!有排唔使搞啦!」

麥明詩經常晒好身材。

有時甚至會行「股惑」。

20萬炒價嘅Hermes 金扣舵鳥皮Mini Kelly bag,做開工「道具袋」。

未幾再換上28萬炒價嘅特別綠Kelly bag,呢個名牌包包好矜貴,有錢有面及係VIP大客先買得到。

被指同謝安琪撞樣,兩人愈嚟愈似樣。

早前她以低市價逾兩成價錢,把屯門「納米樓」單位轉讓畀母親何小娟,回復首置身份後,再聯同哥哥麥明山再買入兩個相連單位。

小方係游泳健將。