包‧心

日月之幸。
你會想到甚麼？這個會是甚麼東東的名字？
超喜歡吃麵包的蘇麗珊，由吃麵包開始研究整麵包，愛上整麵包後，日整夜整送給朋友，再由朋友鼓勵開設網上麵包店做老闆娘，她希望將自己感受到的幸福送給大家。
蘇麗珊說：「日月之幸呢個名係我諗嘅，因為我每次食麵包時都覺得好幸福，嗰種幸福係好似日同月陪伴住我哋咁，一抬高頭就見到，細小但溫暖，而日同月都會有相遇嘅時候，就好似我哋同客人嘅相遇，希望可以將呢一種幸福嘅感覺帶俾大家。」
上星期蘇麗珊親身到商場賣麵包，只睡了三個鐘的她，還精神奕奕招呼客人。
她興奮地說：「我噚晚整麵包整到半夜三點幾，整咗幾百個，瞓咗一陣就嚟開檔，賣咗五個鐘就賣晒所有麵包，好開心呀！」
看見她凡事親力親為，對整麵包賣麵包的熱情簡直爆燈。

蘇麗珊親身到商場賣麵包，由吃麵包開始研究整麵包，再由朋友鼓勵開設網上麵包店做老闆娘，她希望將自己感受到的幸福，送給大家。

她笑謂：「賣麵包係好開心嘅，同啲客人傾偈又開心，客人話啲麵包好好食我又超開心 ，頭先有個人一買就買咗三十個，我真係好感動，多謝大家一直支持，我會好好做好麵包師呢份工，唔會令大家失望嘅。」
體驗生活就是為了豐富生命，對演戲有很大的幫助。
她說：「呢排體驗緊做麵包師嘅生活，每日整麵包十二個鐘，好似變咗另外一個人咁，感覺好得意，原來將自己嘅興趣變咗做工作係最開心，希望大家可以同我一樣，日日都咁幸福。」
那天，我看着蘇麗珊全神貫注的搓麵粉整麵包，覺得她特別美。
她還興奮地問我：「你最鍾意食邊種味道o架？最鍾意係咩餡？肉鬆？吞拿魚？黑松露醬？我幫你整個Mavis版嘅Bagel吖！」
她邊說邊弄，最後還拿出幾款味道給我品嘗。
天啊！不愛吃麵包的我一試難忘，原來用心做的麵包可以這麼好吃的。
做自己喜歡的事就幸福。