雙眼健全出走台灣 「爆眼女」事件未解決

一九年八月十一日疑參與黑暴，一名女子喺尖沙咀警署外被不明物體射眼受傷，事件被黑暴大肆渲染，但係「爆眼女」事後一直潛水，不但冇交代實際傷勢如何，甚至得知警方申請查閱佢病歷時，即刻告上法庭企圖阻止。
事隔接近兩年，終於有人揭露「爆眼女」行蹤，據《東方日報》報道原來佢喺上年九月三十日，乘搭中華航空「CI910」去咗台灣，到現時都未返港。佢走嗰日有人喺機場影到佢身穿白色上衣淺色裙，精神飽滿，雙眼明亮有神，與友人合照時還笑至瞇眼。
雖然「爆眼女」一走了之，不過事件就未決解，事關案發當日警方喺現場拉咗三十人，已落案控告二十九人暴動罪，至於「爆眼女」嘅個案，則仍在請示律政司意見，一旦回覆話夠料落案，隨時會向佢發通緝令。

「爆眼女」被揭出走台灣，但她所涉暴動罪，仍等候律政司示指是否落案起訴。