為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 05 月 29 日

西貢區議會補選主席 溫和派周賢明無對手

西貢區議會主席鍾錦麟,因涉「35+初選」案被扣押調查,早前宣布退出新民主同盟,並辭去區議員職務。對於主席個位出缺,西貢區議會火速決定喺今個星期二(五月二十五日)火速舉行補選,由區內二十八位仍在任嘅區議員互選新主席。
消息話屬溫和泛民派嘅現任副主席周賢明,幾乎眾望所歸可以順利升呢做主席。事關佢除咗有泛民票力撐之外,估計部分鄉事票寧願投畀佢都唔會畀他們作風激進嘅候選人。有地區人士話,西貢區嘅新同盟及素人議員,同埋佢哋嘅助理等激進派,成日喺區內咬住鄉事派議員唔放,借啲意就狙擊佢哋,雙方早已勢成水火。

 

 

西貢區議會本周二補選主席,現任副主席周賢明(下圖)很大機會勝出坐正主席之位。

 


至於曾表示對主席一位有興趣嘅新民主同盟呂文光,以及來自傘後組織嘅素人陳緯烈,兩人都計過數,自知好難會攞到鄉事派及親建制嘅支持,最多只有四至五票左右,所以有機會唔爭主席,讓周賢明可以自動當選,而佢哋就轉戰周賢明當選主席後空出嘅副主席之位。
假設最後由周賢明當選主席,咁佢哋好大機會喺星期五(五月二十八日)補選副主席,到時新同盟嘅呂文光同泛民嘅陸平才,仲有另一泛民林少忠好大機會一齊出嚟爭;至於陳緯烈如果都係攞唔夠支持,就會放棄唔選,改為支持呂文光。
今屆區議會被泛民及激進反對派攻佔近九成議席,但係當中唔少人陸續被揭發涉黑暴,甚至涉違反《香港國安法》被拘捕而辭職;因為政府要求區議員宣誓效忠,又有一大班議員劈炮唔撈,搞到有唔少議席空缺。
不過,政制及內地事務局早前已公開聲明:「政府首要的任務是完善選舉制度的工作和妥善安排及舉行未來十二個月的三場選舉,暫無計劃在短期內進行區議會補選。」

 

 

副主席之爭,以新同盟呂文光(左圖)與泛民嘅陸平才(右圖)競爭最大。

 

新民主同盟一班年輕成員,被指在西貢區常狙擊鄉事派議員。