為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 05 月 27 日

還原20年前錫錫老婆慶生照 吳彥祖自嘲頭髮少咗好多

吳彥祖夫婦還原20年前錫錫慶生照。

吳彥祖(Daniel)同Lisa S.結婚11年仍然恩愛,前者近年好關心時事,經常為亞裔發聲兼呼籲停止仇恨亞裔,仲試過舉行超級跑車街頭遊行反對仇視,兩者有咩關係?引人注意囉。而吳太就不斷參加馬術比賽,努力將興趣變為事業。

2010年4月6日兩人在南非結婚。

尋日係吳太的45歲生日,永久男神吳彥祖好識做,同老婆慶祝之餘,又上載20年前同Lisa慶生的錫錫相到IG,更戴住口罩還原當年Pose影多一次。男神留言:「第一張相係20年前嘅今日,喺泰國布吉島嘅Burger King拍攝,20年後,我哋嘗試重影一次,雖然我嘅髮量唔及之前,亦都再無幫襯嗰間快餐店。祝我生命中的伴侶生日快樂,愛你!」男神嘅髮線的確向上移咗好多,Lisa S.亦多咗好多皺紋,但兩公婆可以一齊變老其實好浪漫,生日快樂呀吳太。

Lisa S.近年重投策騎,仲喺美國拎埋人生第一個馬術勳章。

去年吳彥祖拜山罕有貼出家庭照,當時七歲囡囡吳斐然(Raven)似足媽媽。