為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 05 月 26 日

疑被舊愛IG爆偷食 網傳疑似Edan撩女SP對話Cap圖:「想磨下」

 

有網民上載聲稱是Edan撩他的女性朋友做SP的對話截圖,內容相當露骨。

港大工商管理系畢業、鋼琴8級的MIRROR成員呂爵安(Edan)去年憑主持ViuTV節目《膠戰》彈起,年初推出單飛歌《E先生連環不幸事件》,MV上架三個月點擊達394萬,「鋼琴王子」被捧為來年新人獎頂頭大熱。24歲的他受歡迎程度不下於姜濤,同樣備受ViuTV力捧,繼孖住小儀主持《考有Feel》後,跟Anson Lo首做男一的劇集《大叔的愛》亦將於下月播出,到時肯定又會吸納更多「爵屎」(Edan粉絲稱呼)

Edan之前同女友分手後在IG留言感激對方三年來的陪伴。

人紅自然是非多,昨日傳出Edan被大學舊愛爆偷食,對方更在IG控訴:「戴完帽唔會想理佢感受!」事緣疑似是Edan前度Stephanie在IG宣布被求婚,有人在她的求婚照片下留言,認為Edan會替她開心,並tag了Edan的IG帳號,但Stephanie卻回覆:「不如尊重埋我,其實戴完帽(指被出軌)都唔會想理佢感受。」回應流出後,她已刪走該留言。

前度亦有在IG留言指分咗手都可以支持Edan追夢,關係理應唔差。

前度Po收花相透露自己快將成為人妻。

另外,有網民上載聲稱是Edan撩他的女性朋友做SP的對話截圖到討論區,內容相當露骨。疑似Edan話想一啖食咗女方,對方回答:「咁誇」疑似Edan即話講笑,女方都好進取,指男方唔算離譜,疑似Edan即表示要再離譜啲:「想磨下」,更開到口要求SP,女方問去邊度,男方即答去酒店。網民對截圖反應不一,有人認為單身Flirt女無罪,亦認為男女你情我願冇問題,亦有人覺得用真ACCOUNT溝女非常不智,Edan對此尚未有任何回應,唔知呢排忙做農夫嘅「正印」小儀睇到有咩感覺呢?

有人在Edan舊愛的人妻Po留言並tag了Edan的IG帳號。

Edan跟Stephanie拍拖三年,前者入行不久便分手。

疑似Edan撩SP對話截圖。

疑似Edan撩SP對話截圖。

疑似Edan撩SP對話截圖。

《E先生連環不幸事件》MV上架三個月點擊達394萬。

《大叔的愛》將於下月播出。