為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 05 月 25 日

新抱Zoe臨盆在即晒索爆孕照 傳家燕嫲嫲首抱男孫「玩」住先

家燕姐新抱仔Zoe喺產前影大肚寫真留念。

71歲薛家燕(家燕姐)喺今年情人節當日,在社交網開心公布新抱陳素怡(Zoe)懷孕嘅喜訊,新抱臨盆在即,家燕姐月底榮升「家燕嫲嫲」,除非必要工作外,都盡量抽時間來照顧新抱。預產期進入最後倒數階段,昨晚Zoe喺社交網站貼出孕照寫真,相中身穿黑色吊帶孕婦泳裝嘅Zoe輕撫挺着嘅巨肚,準爸爸石耀庭(Jackson)則搭住她肩膊及輕托她孕肚,兩公婆都凝視下去,相當期待BB的來臨。

Zoe用英文留:「See you soon, little one!I will miss the kicks, the stretches and always having you with me, but we can’t wait to see you and squeeze your chubby cheeks(再見,小傢伙!我會想念你的踢腿,伸展,還有你一直陪伴著我,但是我們急不及待想見到你,擠壓你胖嘟嘟的臉頰)之後她喺IG限時動態再出Post寫道:「last minute decision to diy my own maternity shoot,to remember this big belly(最後一刻決定影大肚寫真,記住這個大肚子)」

化咗淡妝嘅準媽媽Zoe繼續留住一把長長直髮,清純look依然有少女味,而且見她手臂依然纖幼,完全肥胎不肥人,佗得好靚。見她上圍谷奶而升Cup,明顯好快生得。Zoe出post後唔少朋友留言恭喜及表示期待,相信她會係一個好媽媽,不過,Zoe為保持神秘感,先賣關子並冇公布胎兒性別,就連朋友追問她懷胎多久也沒有回答。不過,近日就有小道消息盛傳Zoe佗男B,家燕姐第一個將會係抱男孫。

Zoe臨盆在即,石耀庭(Jackson)非常緊張。

家燕姐盡量抽時間照顧新抱仔。

孫仔腳頭好好,近日家燕姐接獲大量廣告。

家燕姐會如常返電台開咪。