為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2021 年 05 月 26 日

樂天知命 陳薔天

樂壇新人輩出,不少新人近期更挾星二代之名,排隊出道。
早前大台的音樂節目找來一班星二代演出,麥潔文和江華(原名陳木華)的女兒陳薔天(Tin)亦獲邀參與,首次有機會在舞台上獨唱一曲,其磁性的歌聲,令人留下深刻印象。
現年二十五歲的陳薔天,自小夢想做唱作歌手,為了圓夢,她選擇了邊在食店工作、邊埋首創作,靜待出道機會。
「有機會上節目演出,仲要係獨唱,係幾開心嘅,因為多咗一個俾人認識嘅機會。能夠以唱歌維生,係好幸運嘅事,機會確實係好難得,到有機會,又要睇人哋有冇反應,我知冇得強求,但我會朝住做唱作歌手嘅目標進發。」

 

 

於她十九歲那年的冬天,一家人外出食飯,「嗰陣哥哥做咗護士,爹哋媽咪又忙,我又有工作,難得人齊食飯,但爹哋食嚟食去都係嗰間餐廳囉!哈哈!」

 

失意聲夢

陳薔天去年和母親麥潔文於《流行經典50年》合唱〈千個太陽〉後,早前再度encore,和一班星二代上節目演出,並有機會獨唱,她選了張惠妹的〈你好不好〉。「爸爸成日翻睇我當晚嘅表演,又會俾意見我。我只係覺得演出嘅衣着成熟咗啲,朋友話我着啲衫錯晒囉,哈哈!」
自小夢想做歌手的陳薔天,十九歲已想入行做歌手,先後參加過一些內地偶像撰拔賽,又曾參加無綫的歌唱選秀節目《聲夢傳奇》初選,但可惜未能入圍,「我好鍾意唱歌,好多時會一個人去唱K,唔使返工,會去媽咪個studio練歌。我又鍾意作曲、寫詞,會朝住做唱作歌手嘅目標進發。」
爸爸江華是演員,媽媽麥潔文是歌手,陳薔天自小在演藝家庭成長,身為星二代,有父母加持,在不少人眼中已贏在起跑線,她說:「我細個好怕人哋話我係邊個個女,但慢慢都接受咗。爹哋媽咪冇話要我做律師、醫生或者護士,讀書時,佢哋問我有乜目標,我只係話唱歌拍戲,佢哋就支持我。
「我記得細個,媽咪帶我去內地登台,我坐喺啲喇叭上睇佢綵排;又喺電視睇到爹哋喺劇集做皇帝、唐三藏等角色,好有朝氣又可愛,漸漸我亦嚮往成為表演人,但我自信心唔夠,需要大量練習去增強勇氣。有時會跟媽咪去上堂,睇佢點教,媽咪覺得我對音樂有天份,鼓勵我學填詞,仲介紹唱片公司嘅人俾我識,成功賣出一首歌詞。」
陳薔天自知樣貌不是出眾那群,衣着打扮也很隨意,她笑言:「我問過媽咪,外在美重要啲,還是內在美重要啲,佢話係內在美。不過媽咪成日叫我花啲時間扮吓靚,話:『女仔化個妝出街,好簡單,唔好成舊雞咁。』咁我o依家間中都會化吓妝,但有時工作攰,寧願瞓晏啲,趕住出門咪畫條眉就算。」

小時候她第一次去沙灘玩,爸爸江華陪她堆沙,又讓她騎在背脊上,媽媽麥潔文則為兩父女拍下溫馨一刻。

 

一五年媽媽在元朗劇院演出,她和父親帶來蛋糕在後台為媽媽慶祝生日。