為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 05 月 25 日

七仙羽自爆秘養狐仙

近年,因為參與ViuTV節目而人氣急升嘅玄學家七仙羽,早前就被網民鬧爆,話佢帶領信眾喺水塘放生,狠批佢好心做壞事、亂放生即係殺生,更有污染水塘之嫌。為平息事件,佢喺社交網留言:「日後會少放生。」又解畫指,因經過街市不忍見殺生先放生,但造成爭議而道歉及反省,更承諾出錢設立免費素食,讓市民免費享用。
其實,七仙羽早前仲親自留言,回應一個網民嘅質疑,佢否認放生斂財,聲稱所做一切功德都係自己嘅錢,好多時更加係免費。至於,有指佢出售產品,佢解釋係幫助寺廟僧人賺取生活費,而唔係自己落袋。
同時,網民亦爆料,指七仙羽喺佛堂拜狐仙,就呢件事,七仙羽都有解釋,佢話因為一位出家人去閉關,所以將狐仙像放喺佢嘅佛堂供奉,佢於是每日向狐仙念經,希望狐仙可以最終成佛。後來,狐仙開始幫助渡化眾生,係非常善良嘅仙子。佢仲反擊網民話,身為佛教徒,六道眾生都要救、都要渡化;而狐仙亦係六道之一,唔應該批判狐仙,咁樣係錯嘅。
除此之外,東姑喺七仙羽社交網發現,佢舉辦唔少千奇百趣嘅法會、法事等,譬如:作法驅鬼、除障升運,甚至用薯仔種生基,創意驚人!

除咗出海放生之外,七仙羽亦有帶信眾上山,到水塘放生青蛙、烏龜等。

 

放生法會仲有誦經嘅儀式,聲稱超渡眾生、消除孽障,在場的一眾善信都表現得非常虔誠。

 

七仙羽嘅佛堂,經常舉辦唔同嘅法事及法會, 又有聲稱可以幫人催運、轉運嘅法事。

 

早前,七仙羽喺香港開電視嘅靈異節目中, 示範幫一個女嘉賓進行愛情法事。

 

種生基轉運聽過唔少,但七仙羽就獨創薯仔種生基,相當騎呢。

 

由七仙羽主持嘅放生法會,現場會設一個大祭壇,供奉觀音佛像及生果供品等等。

 

七仙羽解畫指,自己因為經過街市不忍殺生而放生,其中應該包括呢兩隻蟹。

 

過去多年,七仙羽不時帶領大班善信,坐船出海,或到水塘,舉行放生法會。