為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 05 月 17 日

獲頒最佳微電影女主角 余香凝感激鮑起靜與劇組照顧

獲頒「最佳微電影女主角」的Jennifer感激鮑姐帶領她入戲,才令她有此表現。

余香凝(Jennifer)去年底跟鮑起靜(鮑姐)、潘燦良拍微電影《日子總有我伴你走》,近日她更憑該片奪得「最佳微電影女主角」獎,但由於疫情關係,是次微電影比賽未有舉行頒獎禮,而獎座日前終於送出Jennifer手上,她笑言腹中BB「腳頭好」,並謂:「BB喺肚入面經歷拍攝同攞獎,不過我覺得最大最大得獎原因係導演同鮑姐,冇鮑姐做對手戲,唔會有呢個表現出嚟,所以多謝鮑姐。」

「最佳微電影女主角」獎座日前終於送到Jennifer手上。

Jennifer直言能參與拍攝的滿足感比攞獎更大,且拍攝時正經歷人生大事感覺很特別,她說︰「其實自己冇諗過攞獎,有得做呢個講親情嘅Project已經好滿足,自己一直都好想做關於親情嘅作品,導演第一次搵我拍呢個微電影時,自己計劃緊結婚,到拍攝時就有BB,所以所有嘢嚟得好合時。加上自己婆婆都好大年紀,好想做一啲關於親情作品畀婆婆睇到,或者畀大家睇到,去宣揚要珍惜眼前人嘅訊息。」又大讚整個團隊充滿愛,拍攝時大家都非常緊張她這個「大肚婆」,Jennifer續道︰「一唔使埋位大家就叫我坐,鮑姐又叫我休息,又驚飯盒唔夠營養再加餸,有雞有其他肉叫我食多啲,大家都好緊張我。」因此,她也期待原班人馬再合作。

Jennifer與鮑姐(左)、潘燦良(右)合拍微電影《日子總有我伴你走》。