為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 05 月 15 日

醫學會競逐會董 五「藍」對戰七「黃」

有意競逐今屆醫學會會董換屆選舉嘅候選人正式浮面。早前傳出「藍營」有意派出七人名單拗手瓜,可是直至報名截止一刻,原來只有五人參戰,包括龐朝輝、任俊彥、符迪、蔡振興及陳正寧醫生。曾任會董嘅龐朝輝年前競逐連任落敗,今次捲土重來,佢話「唔想醫學會只得一種聲音,失去其代表性」 ,冒住畀人話佢「翻兜」,都要再次參選。
蔡堅陣營都唔執輸,派出七人迎戰,當中有五位係新丁,包括醫學會傳染病顧問委員會聯席主席曾祈殷,以及西醫工會義務司庫陸偉亮等。企埋蔡堅同一陣線,難免予人「偏黃」感覺,陸偉亮就澄清話:「我無顏色!」而團隊內嘅李福基及莊勁怡醫生,就係尋求連任嘅舊人。

龐朝輝夥拍四名醫生再次參選會董選舉:「睇住醫學界嘅代表性日漸式微,係時間出來發聲!」