為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 05 月 14 日

加入選民名單不果 潮總靠政府協調入閘

不滿未能納入選委會「同鄉社團」界別嘅潮屬社團總會,日前(五月四日)約見政務司司長張建宗表示達不滿,要求政府承認「潮總」嘅地位,並採取措施補救,包括加番「潮總」個名。
呢次榜上無名,潮州幫的確氣上心頭,潮屬社團總會主席陳振彬、監事會主席林建岳、常務副主席胡定旭等紛紛出面游說政府。雙方傾談個多小時,席間有人提議政府喺「同鄉社團」嘅選民名單上,加番個名。
據知張建宗聽完都係維持原判,唔敢承諾作出修改。知情人士話,呢個係中央定落嘅框架,以「省」作界線劃分,條文都寫好晒,無可能話改就改,加上阿爺希望立會喺五、六月盡快通過條例,自然唔希望有人搞修訂,節外生枝。
潮州幫呢次出盡牙力亦未能扭轉乾坤,令部分鄉里十分失望。不過陳振彬話,政府已聽到潮州人嘅訴求,喺會面中已充分肯定潮屬社團嘅貢獻,認為「潮總」代表性可以喺選委同鄉社團議席入面反映出來。言下之意,唔排除政府中人會居中協調等佢哋可以由其他跑道入閘,希望做到和氣收場。

潮屬社團總會高層早前會見民政事務局局長徐英偉(前排左七),要求政府幫手解決困局。

 

陳振彬話,「潮總」會鼓勵同仁參與不同界別嘅選委。