為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 05 月 11 日

請「教父」「教母」睇騷 Anson Lo母子後台溫馨相擁賀母親節

Anson Lo同媽咪喺後台擁抱,「教母」再同隊友合照。

MIRROR成員Anson Lo(盧瀚霆)喺母親節晚邀請咗父母嚟捧場睇騷,囝囝咁叻開到演唱會,「教母」感動得跟「教主」相擁,兩母子肉緊地攬到實一實,在旁嘅MIRROR成員見證住情深擁抱一刻,相當感動。之後「教父」、「教母」並安排與MIRROR合照,姜B同Ian從後做出鬼馬表情贈興。

「教主」喺IG出post寫上:「教父教母駕到,今年母親節過得不一樣,其實每一次上台都會諗起我由細到大你哋一直教我:『一係就唔做,一做就盡力做』,希望你哋會為我感到驕傲。」最搞笑Edan(呂爵安)留言「教庭降臨」,即被鏡粉取笑,「你都係教庭一份子。」還追問他:「你斟咗茶外父外母未o架?」又再問:「親家老爺、親家奶奶去咗邊?」唔少鏡粉大讚「教主」好乖仔,祝教母母親節快樂。

Anson Lo好孝順父母,被讚係乖仔。

兩母子攬到實一實。

合照時姜B同Ian好鬼馬。

同行仲有家人。

盧瀚霆與呂爵安喺劇集《大叔的愛》有HeHe情。