為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2021 年 05 月 11 日

關慧玲

《東周刊》社長兼總編輯。

有BB的家庭入隔離營要帶甚麼?

鰂魚涌康怡花園N2座及薄扶林豪峰因有外傭確診變種病毒,所有樓層單位、沒有病徵的住戶送往檢疫中心二十一天。跟往情況有點不同,這次整幢大廈需要隔離,當中好多都係有小朋友嘅家庭,甚至手抱BB都有,而隔離營大部分係單、雙人房,家庭房非常少,為嬰孩配備的設施肯定不夠,各位父母入營前必須預先準備。
筆者朋友一家四口,本來被安排去竹篙灣,但那裏沒有家庭房,兩夫婦要分房隔離,可是朋友一個小孩三歲,一個才一個半月大仍需哺乳,母親很難獨自照顧兩位小朋友,幾經周旋,終於安排了一家人去鯉魚門。
做丈夫的好醒目,一聽到新聞第一時間落超市買齊二十一日尿片、奶粉、泵奶機、蒸奶樽機。問題來了,究竟營內有沒有雪櫃?有沒有嬰兒床?衞生署熱線打唔通,上網查資料又眾說紛紜,沒有一個確切答案,而安排他們一家進營的工作人員甚至提議如果佢擔心就自行買一個新的送入去,朋友只能回答,都要買得切至得o架。

 

 


唔清唔楚之下入到營,好在,小型雪櫃是有的,也有電視機,不過房間衞生就不十分理想,佢用咗半日做消毒及清潔。按佢形容,洗手間情況有點似時光倒流到六十年代的公眾泳池更衣室,花灑頭有點發霉發黑,洗手盆仲要是泛黃並裂開了(見圖),旁邊偶有「小強」橫行……
唔緊要,他對自己說,二十一日罷了,樂觀啲。面對陌生的床,過分薄的枕頭,還有開着太凍、熄掉又令天花板滴水的空調,夫婦倆失眠了一夜,翌日即習慣了。他說,一日三餐不能說好吃,但一定夠飽,況且好又一餐唔好又一餐,自己又有帶乾糧即食麵等,其實無乜所謂。
佢反而掛心小嬰兒吃奶的問題,他說未知是否心理作用,他以營內的水煲熱了用來清洗奶樽,不過見小嬰兒吃完奶有嘔吐情況,轉用蒸餾水來清洗,才解決了問題。他提醒有嬰兒的父母,如果入營,記得帶齊泵奶機、蒸奶樽機、電磁爐,最好帶埋暖奶機,他就是太急趕忘了這個,BB一旦吃得慢,奶涼了又要再煲水,將樽奶回熱才可以繼續餵,有點煩。
至於三歲多的兒子,難得和父母擠在一起咁多日一齊玩,好開心,只是不停問點解唔可以離開間房,朋友唯有耐心解釋。
朋友說,這段被隔離的日子,好似去番中學宿營一般,或者大學時代去不先進地區旅行流落環境較差民宿的感覺。佢讚負責管理營舍的工作人員對他們要求日用品的Whatsapp訊息處理得快,不過,重中之重就是要帶夠用的數據卡,因為營區一家人只提供一張,否則手提電話用不到,即有如斷六親。
其他入營需要帶的例如消毒用品、床單、紙內褲、ipad、遊戲機、都是走佬包必備,至於衫褲反而兩套就夠,一套着入營,一套着出營,回家後扔掉。