為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 親子天地  > 父能量 2011 年 01 月 11 日

DJ Bob教女 最梗要正音

香港人,十個有八個說話有懶音,讀音更習慣約定俗成,有邊讀邊、有字讀字,最緊要人明。

不過,對新城DJ林盛斌(Bob)來說,自03年在電台報道一則娛樂消息讀錯音超事件後,他對讀音非常講究。直至近年,他憑新城電台節目《新香蕉俱樂部》及J2台《Big Boys Club》上位,「歪音」更成他的過去,Bob甚至要求二歲半女兒林霏兒(Faye,暱稱霏霏)同樣要正音正字,做個有學識有修養的人。

Bob(左)、Pearl(右)夫婦加上霏霏,三口子走在一起總是傳來笑聲,正如Bob所言,最想囡囡有個開心童年,開心自然多笑聲喇!

做個正音人

Bob早年就報道梅艷芳入醫院洗肝,誤說成洗「肛」,更被DJ前輩郭偉安提點後方知自己誤讀,感覺超,自此的起心肝改懶音。

「好多字好似『乾』、『廣』、『講』、『省』等等字發音都好易讀錯,於是就不斷開聲讀報紙,更不停要求導演畀啲廣告稿同宣傳聲帶我讀,更錄低找前輩聽後再畀意見,用咗個幾月時間就已經改善好多。」經此一役,Bob深深明白一切源自從小疏於咬字的懶音問題。

字正腔圓要從小做起,故Bob更注意女兒霏霏的發音咬字,「咬字好重要,畀人感覺會莊重啲,更有修養同學識,更易於待人接物,所以霏霏由BB開始,我就要佢講嘢要清楚啲。

「佢仲細,有啲字係難發音始終難掌握,好似『講』唔係『趕』,咁就唔太強迫佢,但係一啲簡單嘅字好似『五』咁,就要佢望實我聽我講,跟我嘴形一齊開口講『五』,仲不厭其煩重複又重複講好多次,令佢入到腦為止,到佢五、六歲時就更嚴厲執行了。」

Bob更笑說,諮詢過這方面專家朋友,孩子五、六歲時已能明白及掌握發音技巧。由於霏霏現時說話表現已經很不錯,所以放心待她大一點才嚴厲要求字正腔圓。

Bob講故事七情上面,生鬼又活潑,難怪囡囡聽得入神,「我好忙,再忙都會每朝同霏霏玩兩個鐘、傾吓偈、講吓故事,下午佢放學時,可以的話都盡量溜出來接佢放學。」

Pearl從事教育機構,選擇遊戲Apps、故事書及玩具都以對囡囡有幫助為大前提。

鼓勵玩iPad

很多父母都相信孩子接觸太多電子遊戲或遊戲機非好事,不少更禁止子女玩電子遊戲,但Bob偏偏反其道而行,更認為對女兒霏霏利多於弊,「我好贊成霏霏玩iPad、iPhone啲Apps,選擇多又環保,玩起上嚟又直接,可以話快、靚、正。佢可以自己揀玩咩遊戲,要揀就要用吓腦仔郁吓手指,咁咪可以訓練到辨認能力,手指靈活度同協調感。」

Bob太太Pearl在旁補充道:「好似123 Writing呢個遊戲,係教小朋友寫阿拉伯數字同英文讀音,霏霏跟住寫就可以訓練到手指靈活度,佢歲零就唔使人幫都可以輕易做到cross of the finger、thumb-up等等,我覺得唔多唔少都係玩得多練到嘅!」

據了解,一般年紀相若孩子,還需要從旁協助才可以做到交叉手指或豎起手指公,否則一來就五隻手指仔齊出了,厲害!

在父母薰陶下,霏霏愛看書,亦是iPad的小fans。

父母心頭肉

孩子全都是父母瑰寶,霏霏也不例外,最重要是小人兒嘴巴夠甜又細心,讓Bob及Pearl疼到入心,「我試過出門口返工,佢見到就會嗌:『爸爸唔好走』,嘩,聽到心都軟埋,差啲唔想走;仲有佢又會話:『爸爸小心啲』,跟住會抱抱我,錫錫我臉珠,嘩,好正,sweet到呢!」

Pearl同樣愛錫女兒,並笑說:「記得霏霏歲多時,有一次我頭痛得緊要,我同佢講話媽咪好頭痛呀,佢當時明明玩緊玩具,即時掟開玩具爬過來錫我一啖,嗰一刻好sweet,心理上仲好似無咁痛咁!」

Pearl直言從未想過霏霏鍾意玩煮飯仔,Bob補充道:「買返嚟至知佢真係好鍾意玩,初初仲要每朝玩一轉至得,喺幼稚園入學試更大派用場呢!」表現好,報考五間學校至訪問當天,就已經有三間取錄她呢!

霏霏剛出世不久,Bob稱:「這是霏霏第一張相呢!」

「很少在霏霏沖涼時拍照。」一千零一張浴照,看霏霏頭髮還是短短的,可見是年多前的事了。

望女嫁得好

做節目總是大膽直言,屢次插爆聽眾的Bob,在女兒面前完全是一副慈父樣,說話雖不致溫言軟語,但十足關心及着緊,更聲言只要女兒快樂成長已心足,「我唔會安排好多興趣班畀佢,基本上有運動、樂器、語言三樣已好足夠,唔係話一定要讀名校,最緊要成長係開心同健康,將來嫁得好,個老公又好環境就最好。」

女人嫁得好絕對是幸福的,如此坦白乃Bob一慣直率性格。媽咪Pearl更坦言:「女婿最好似老公一樣顧家有上進心,經濟能力唔錯就已經好好了。」Pearl一言逗得Bob心花怒放,笑得極為風騷呢!

有其父必有其女,兩個人玩iPhone玩得勁投入,連被Pearl偷拍了也不知道呢!

夫婦直言為霏霏而搬進這裏,全屋家具牀角均是圓滑無起角,更為她特別設計房間。小梳化、嵌牆身牀仔、彩色拼布掛畫等,讓霏霏擁有自己的天地。

益智好玩Apps

夫婦直言為霏霏而搬進這裏,全屋家具牀角均是圓滑無起角,更為她特別設計房間。小梳化、嵌牆身牀仔、彩色拼布掛畫等,讓霏霏擁有自己的天地。

Bob說玩具遊戲全由太太Pearl發辦,Pearl就推介幾款霏霏愛玩的益智Apps和大家分享。

Shape Puzzle 售價:$0.99美元

電子拼圖,種類多,有動物、蔬果等,既訓練邏輯思考也鍛煉手指靈活及協調性。Pearl直言這是她一位精算系出身的數學名師推薦,坦言不少領悟力及邏輯性高的人均是自細玩puzzle的。

123 Writing 售價:免費

連線數字遊戲,以虛線教小朋友以手指寫阿拉伯數字,會發聲教英文數字讀音,既訓練手指也學數字英文。

Sing Sing Together售價:免費

畫面靚,有一男一女兩個可愛小朋友教跳舞唱歌,大人從旁協助講解一起玩,可以學到好多新歌仔同舞步,Pearl笑言這是霏霏新Apps,「小朋友初時唔會接受新玩意,一定會玩番舊嘅,做父母就要畀少少耐性同佢一齊玩,畀時間佢接納新玩意。」