為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 05 月 04 日

【生日飯自己安排】小豬比用奶音為爸爸打氣 單文柔怨陳展鵬心思全放工作

Phoebe母女出Po為今晚新劇出街的展鵬打氣。

上月19日是單文柔(Phoebe)的31歲生日,早前其丈夫陳展鵬於社交網貼出對方與花花造型蛋糕的合照,並賣晒口乖:「祝美麗動人嘅陳太福如東海,壽比南山。」仲透露,由於限聚令的關係難以跟太太大肆慶祝,幸最終有好多貴人出現幫忙,他指「幾難搞嘅嘢都搞得掂」。正當大家狂讚陳生好老公,順利搵到間靚餐廳慶生之際,今日Phoebe於IG貼出多張照片,當中有展鵬Po過的花花蛋糕、鮮花及佈滿氣球的酒店房照,她留言踢爆老公:「別裝 @rucochan 都是我安排好,照顧好唒(晒)你地(哋)概(嘅)需要 你概(嘅)浪漫同主意都擺唒(晒)系(喺)工作同拍戲上!」估計幫手安排浪漫生日飯的「貴人」,其實就是「壽星女」Phoebe自己!

 

Phoebe踢爆展鵬早前自言獲「貴人」相助安排生日飯,其實「貴人」正是Phoebe自己。

話雖如此,但見展鵬主演的TVB劇《逆天奇案》今晚(3日)首播,Phoebe都自認大方表示:「今晚會準時0830打開電視支持你 #逆天奇案」同時又教埋兩歲囡囡「小豬比」陳諾瑤為爸爸打氣,小豬比以「奶音」說:「Nick天企鵝加油!(逆天奇案加油)」冧到展鵬都忍唔住於IG晒萌女短片,並寫道:「最窩心的支持」

Phoebe表示一切都她自己安排好,估計相中花花蛋糕鬥係她準備的。

Phoebe又埋怨展鵬把浪漫及主意都擺晒喺工作同拍戲上。

小豬比都有同媽咪慶生。

可愛小豬比大特寫。

小豬比勁為食。

Phoebe拖實小豬比散步。

小豬比用奶音為爸爸主演新劇打氣!

展鵬早前於社交網貼出太太與花花造型蛋糕的合照,並祝「美麗動人嘅陳太」生日快樂。