為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 05 月 03 日

【獨家】無辜「被第三者」火滾爆真相 裕美證麥貝夷有男友仍跟翟威廉過夜

裕美證麥貝夷有男友 時,仍跟翟威廉交往。

35歲麥貝夷(Karene)早前接受本報訪問時委屈哭訴被「賤男」舊愛食完唱,強調兩人有戴避孕套進行安全性行為並非「炮友」關係,矛頭直指翟威廉(William)。兩人的共同朋友裕美本不欲多事置身事外,點知被女方拉落水「被第三者」,真心嬲的裕美愈諗愈㷫決定將真相公開,強調19年曾介紹男仔俾Karene識,兩人拍拖至上年尾才分開,「根本麥貝夷同翟威廉冇拍過拖,男女雙方都深知肚明只係『朋友』關係。」裕美指翟威廉衰鹹濕,但成年人你情我願,同時亦勸麥貝夷「明知對方唔愛自己,就唔好再糾纏落去啦。」

麥貝夷「炮友」風波愈爆愈多,仲講到賤男前度搭上閨密,裕美躺着也中槍,她不滿說:「麥貝夷拉埋我落水,引導傳媒嚟誤會我,佢有責任同我講返兩句,所以我發訊息俾佢,要求佢喺社交網發文澄清,點知佢回應話『要講嘅都講晒喇!』乜呢啲算係朋友嚟咩?佢只係想做佢想做嘅事,唔顧其他人生死,我真係好嬲o架!呢單嘢我曾經同翟威廉講過:『????家佢(麥貝夷)搞埋我喇!』William驚到唔想再講嘢,相當無奈話:『佢編織嘅故事好震憾,都叫咗佢唔好咁癲o架啦!』」

挺身澄清 裕美唔再畏首畏尾,對麥貝夷講啲唔講啲令人誤會所為,決定企出嚟講清楚。

傾訴閨密 麥貝夷同裕美曾經係無所不談,瞓喺隔離嘅好姊妹,就連上去翟威廉度過夜都會「單」聲,所以裕美知道成件事內情。

上親Happy Live就過埋夜
19年,麥貝夷有段感情空窗期,因為跟裕美好Friend故常到她家中作客,兩人甚至經常瞓埋一齊,當時無所不談,閨密無誤。當年裕美撮合咗麥貝夷同林作好友Edmond Luk拍拖,至半年前才分手:「其實麥貝夷同Edmond拍拖前後,甚至拍拖期間都有上Happy Live唱歌,Happy Live喺夜晚做,咁嗰晚我就預咗佢唔會上嚟我度瞓。」裕美更開到名提及翟威廉:「我同麥貝夷好close嗰陣,佢曾經同我講過,同翟威廉只係『朋友』,唔會鍾意佢,亦冇提過兩人拍拖,就算上去Happy Live,都只係交代話『我又上去佢度做……Happy Live』,所以我係好肯定佢哋唔係拍拖,賠乜都得,否則我唔會介紹男仔畀佢。」不過,其後我睇唔過眼,好言相勸佢唔好咁對Edmond,怕佢會玩出火,佢就當我係敵人,怪我好鬧佢,嬲咗我。」裕美坦言同麥貝夷相處壓力好大,「只有佢講,冇人講,仲成日自行幻想,試過同佢一齊坐uber,司機見佢喺車上喊就請佢食糖,司機只係出於好意,都有遞埋畀我食o架!點知佢諗多咗黑晒面兼發晒癲,以為對方想佔佢便宜,惡到不得了,搞到我幾唔好意思呀!佢成日覺得全世界嘅男人對佢都有企圖,真係要去睇精神科醫生。」

勸麥貝夷要學識保護自己
最後裕美為William討回公道:「翟威廉有佢嘅生活模式,佢係坦承嘅人,直認單身7年係有性伴侶,唔會陰你,唔會????你做啲乜,做乜都清清楚楚,佢同麥貝夷嘅關係,兩人都心知肚明,所以今次嘅事,我同佢都笑咗,一致覺得麥貝夷有需要去睇醫生。」問到William係咪衰鹹濕呢?裕美大笑說:「邊個男人唔鹹濕?逢場作興吓,但佢明買明賣,成年人你情我願啫。我奉勸麥貝夷,做女人唔係叫男伴戴套進行性行為,就叫做識得保護自己,而係要確立同男方關係,明知對方唔愛自己,就唔好再糾纏落去。」

嗲聲嗲氣 裕美表示有次同麥貝夷上Happy Live,後者坐喺翟威廉隔離嗲聲嗲氣,但男方若無其事。

Close過媽咪 裕美喺社交網曾出post話見麥貝夷多過見媽咪,可見兩人幾咁close。

介紹男友 2019年裕美撮合咗麥貝夷同林作好友Edmond Luk拍拖,直至半年前Edmond被飛,Karene仲unfollow埋他。

委屈爆喊 之前麥貝夷接受本報訪問時,哭訴被「賤男」舊愛食完唱,好傷心。

收埋自己 翟威廉唔敢再觸動麥貝夷「神經」,呢期收埋自己,低調過活。

衝住威廉 麥貝夷嘅割席宣言,咁啱發生喺翟威廉36歲生日當天,擺明衝住佢而嚟。

爆料贈興 之前麥貝夷趁住前度生日,喺IG限時動態大爆對方出軌行為嚟贈興。

自行幻想 麥貝夷有好身材,裕美指佢成日覺得全世界嘅男人對佢都有企圖。

愈嚟愈靚 裕美轉型做珠寶生意後,月賺60萬,變得愈嚟愈有自信。

男友支援 有林作力撐,裕美講嘢都大聲啲。