為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 05 月 03 日

新戲《秘密訪客》演冷酷父親 郭富城屋企做番「順得人」好爸爸

郭富城日前作客TVB娛樂新聞台節目《StarTalk》,提到現實是怎樣的爸爸。

郭富城(Aaron)日前接受TVB《StarTalk》專訪,大談拍攝新戲《秘密訪客》感受。他說:「劇本好紮實,而且個角色自己都未演過,係一個高冷、沉鬱嘅爸爸。」談到再次演出爸爸角色,Aaron說:「電影有趣嘅地方係我可以接觸一啲從未演出過嘅人物性格,令我喺人生中,曾經同呢個角色生活過,不過拍完就算。真正嘅爸爸角色就留番喺屋企做,做一個『順得人』嘅爸爸,現實要做一個好爸爸,畀多啲愛、關懷、忍讓小朋友,要畀多啲耐性,我自己都係學習當中。」

Aaron接受主播許文軒專訪,大談拍攝新戲《秘密訪客》感受。

近年Aaron拍攝的電影角色比較沉重,Aaron說:「以前會玩賽車去釋放情緒,其實大家唔知,我7、8年前開始鍾意油畫、水墨畫,自己亦有收藏畫作,因為疫情關係冇得去賽車,反而對畫畫嘅興趣越來越濃厚。因為自己鍾意水墨畫,所以老師叫我由書法開始學習,發現自己全神貫注去寫字嘅時候,原來可以淨化到情緒。(學習到什麼階段?)都係初學者,唔叻!但自己好喜歡呢個藝術。」

Aaron跟許瑋甯合作電影《秘密訪客》中,再演爸爸角色。

現實中Aaron對着兩個寶貝女,會做「順得人」好爸爸。

近年Aaron愛上學書法,更不時以練字來釋放情緒。