為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 04 月 30 日

帶小豬比去樂園玩兼Staycation 單文柔同陳展鵬影到囡囡謝晒皮

展鵬一家日前首次到迪士尼Staycation。

疫情持續1年多,不少人為了一止旅行癮都會選擇Staycation,本月19日才踏入31歲的單文柔(Phoebe)都唔例外,近日同老公陳展鵬及囡囡「小豬比」陳諾瑤,去了迪士尼玩足兩日一夜。昨晚,Phoebe於社交網貼出一家三口在樂園玩樂的影片,並寫道:「Our first staycation at Disneyland! We had a lot of fun in daytime and a good rest at night. Thanks for having us and filling up our tummies with nice food.(我們在迪士尼Staycation的第一次!我們在日頭玩得好開心,晚上都有好好休息。感激邀請我們,並以美食填飽我們的肚仔。)」

 

Phoebe揸住支米奇造型燈棒Fing Fing吓,好開心,但小豬比個樣就勁眼瞓。

片中,兩歲的小豬比俾媽咪抱住企喺旋轉木馬前,一齊揸住支米奇造型燈棒Fing Fing吓,未知是否玩咗成日好攰,小豬比個樣勁眼瞓,好似唔知發生咩事咁,但戴住米奇耳仔頭箍的Phoebe就笑得好燦爛,睇嚟媽咪玩得仲開心過囡囡;入到小豬比至愛的「小小世界」,坐在展鵬大腿上的小豬比都即刻活潑番,仲同爸爸睇到拍晒手仔。

小豬比仲去咗至愛的「小小世界」。

坐在展鵬大腿上的小豬比,聽到音樂即刻醒神晒,仲拍晒手仔。

見展鵬孭住部數碼相機,估計今次啲靚相及影片都係由他操刀,平日常以愛女充當模特兒,為對方拍下成長紀錄的他,當日應該也替小豬比影了不少寫真,搞到Phoebe都忍唔住於IG Story貼出囡囡一臉無奈的照片,並搞笑扮小豬比口脗寫道:「你同爹哋影完相未?我坐吓先!」消耗了一日體力,小豬比回到酒店即食碗大白飯充飢,為食的她大啖大啖咁扒,仲食到面珠、手仔都黐晒飯粒,十分可愛!

估計爹哋媽咪為小豬比拍下唔少照片,小豬比表示好無奈。

陳氏一家在樂園中玩得好開心。

兩公婆仲打吓鼓,Phoebe自嘲:「手腳靈活與不靈活的分別,還是你打得好看。」

玩了一日勁肚餓,小豬比一見到飯飯即刻笑晒,都係食嘢最開心!

小豬比報復式狂食,睇吓個樣食得幾狠!

小豬比仲食到手仔都黐晒飯粒,好可愛!

陳展鵬一家三口