為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 04 月 30 日

疫情兼無箍穩票 郭碧蓮選主席慘輸

中大校友評議會改選塵埃落定,前常委楊于銘取得六千五百四十四票當選主席,擊敗取得一千○二十二票嘅副主席郭碧蓮,票數差距之多,令唔少老校友感到震驚。
今次選舉被視為「藍黃決戰」,兩派人馬各不相讓。做過香港女會計師協會前會長嘅郭碧蓮,過去曾捐款千萬元給中大,被唔少「老校友」看高一線。郭亦對選舉志在必得,搵來多位校友同好友拍片,放上社交媒體力谷人氣,令佢選情一度看漲。
可惜疫情揮之不去,原定喺去年七月十八日舉行嘅選舉,四度延後。呢吓延遲就對郭碧蓮選情相當不利。有校友直言:「起初有收到來自建制校友嘅WhatsApp,要求投票撐郭,點知拖拖吓,唔少校友早已忘記有選舉呢回事,投票前亦無再收到任何箍票訊息。」相反,楊于銘陣營後來居上,不斷利用社交網絡動員,發起「1+5」催票行動,即每名支持者拉多五位校友投畀佢,最終楊于銘以大比數撼低大師姐!
選舉期間發生一段小插曲,有校友向主席林偉雄提出「不信任動議」,動議獲通過。唔少校友上前慰問,但林表示未為此感到不快,稱服務校友嘅熱誠不減。

發動校友拍片力撐嘅郭碧蓮(右),最終落敗。

 

楊于銘陣營號召「1+5」拉票策略,成功高票當選。