為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 遂心如爾 2021 年 04 月 30 日

梁爾紋

我是我!我是梁爾紋!入行二十四年,由傳媒變成現任寰亞傳媒集團媒體總監。負責寰亞電影、唱片、演唱會及藝人的宣傳工作。有幸跟不少圈中紅人名導,成為好友,於人生路上,互相扶持。

務農KOL

潮流興做網紅。
林珊珊與她的女兒西瓜(李澄)、野人(李怡)齊齊晋身網紅之列,開創YouTube網上頻道《大家好 ALL IS WELL》,與浸會大學學生合作拍片,到元朗《歐羅有機農場》體驗做一日農夫。
鄭伊健聽到體驗做一日農夫,即舉手參與。
放下煩囂,回歸大自然。
那天,享受了家庭樂,拿起鋤頭學習翻土時,互相取笑互相扶持,學習去除蔬菜田中的野草時,赫然發現野草橫行,指導員大家姐即笑謂:「我哋摘走啲野草係等棵菜生得靚啲,你哋見到一塊咁細嘅田就有咁多野草,明白到農夫嘅工作真係好艱辛,以後唔好再浪費食物,呢啲野草我哋都會煮嚟食,有啲仲有消炎作用,唔會浪費。」
鄭伊健隨手拿起野草放入口:「呢個好食好香呀!」

林珊珊與她的女兒西瓜(李澄)、野人(李怡)齊齊進身網紅之列,開創YouTube網上頻道《大家好 ALL IS WELL》,與浸會大學學生合作拍片,到元朗《歐羅有機農場》體驗做一日農夫,鄭伊健也舉手參與。

 


原來伊健耕田經驗豐富:「有個朋友住喺新界,久不久就一齊落田耕種,耕種嘅感覺好舒服,大家城市人,為咗自己身體健康,間中去郊外郁動吓拎下鋤頭,總好過成日坐喺度。耕種嚴格來講都係一種運動,不過係最輕鬆嘅運動,我覺得一啲都唔辛苦,有時間係應該多啲到郊外農場參觀下,食物對香港人嚟講好重要,但太少人參與種植,所以應該支持呢個落田概念。」
珊珊首次落田自言已經愛上這個活動:「一直好期待,其實我一直都好想試,所以由開會聽到話要做一日農夫,已經好開心好興奮,到現場勞動咗一日,就更加想租一塊田來耕種,剛才問過呢度啲朋友話真係可以租,公司同事都好支持我,希望可以好快實現。」
身旁的西瓜也插嘴說:「其實我嚟之前好擔心,唔知應唔應付到,因為自己平時有啲嬌生慣養又怕蟲又怕濕,估唔到雖然唔熟手,我又雞手鴨腳,又跌嘢又差啲將個鋤頭鋤到人,但非常之咁enjoy,不過最開心都係之後食新鮮蔬菜嗰陣,入口嫩滑新鮮,加埋新鮮天然嘅配料,就明白我哋平日食嘅嘢有幾人工化。」
而身為瑜伽導師嘅野人好享受今次嘅體驗,說:「希望人人珍惜食物!」
希望他們掀起一日農夫熱潮,享受療癒身心的樂趣。