為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 04 月 22 日

四前成員倡解散 公民黨圖踢走激進派

因牽涉「35+」初選案被還押嘅公民黨前黨魁楊岳橋、成員譚文豪、郭家麒及李予信,繼上月高調退黨後,日前再去信前黨友要求將公民黨解散,仲講到明「抉擇已是刻不容緩」。四人既已退黨,實在無需要再為黨務指指點點,奇就奇在佢哋肉緊地為公民黨把脈,仲預告「再無參政空間」,還押緊都如此掌握黨內形勢,令政圈中人猜測呢番言論另有玄機。
有政壇中人解讀話,呢番促解散論,旨在逼黨內嘅激進派退黨,唔排除係高層度好嘅戲碼,由四人做醜人,營造一個無前途嘅效果,好等激進派無癮求去,公民黨就可以轉身走回溫和路線,博阿爺畀機會可以留低。公民黨成員紛紛跳船,如今只得個空殼,但主席梁家傑居然唔打算執咗佢,係都要留住個招牌,即惹來揣測佢想靜待時機,東山再起。
公民黨去年派六人參選立法會,換來四人被DQ,梁家傑被問到現時是不是被「滅黨」,佢似乎唔覺得大勢已去,仲話:「係咪會因為呢幾個不知所謂的DQ主任,就會頓失我哋支持咩?會嗎?唔會o架。」如今人氣黨友唔係坐監就走咗佬,唔知呢啲算唔算係滅黨?

 

 

被還押嘅楊岳橋(右)及譚文豪(左)去信要求解散公民黨,有指此舉係為咗逼黨內激進派退黨。