為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 04 月 21 日

翻炒郭榮鏗洩密風波 有律師促DQ張達明

喺立法會內務委員會拉布超過半年嘅前公民黨立法會議員郭榮鏗,近日被本刊獨家踢爆佢低調同家人離港,重返家鄉加拿大一事,令政壇一片譁然。
郭榮鏗去年發動立法會內會拉布風波,浪費公帑九百五十萬元,被指涉嫌公職人員行為失當,警方已就此展開調查,估唔到佢快人一步離開香港,未知是否聞風先遁。
有法律界人士話,郭榮鏗嘅不恰當行為不只一單,仲有一單係去年香港律師會理事張達明涉嫌洩密嘅風波。話說張達明被指喺去年三月期間,喺未經律師會理事會同意下,私自向時任立法會議員郭榮鏗披露律師會尚未公開嘅理事會會議內容。內容涉及律師會會長彭韻僖喺《會長通訊》中談及就應對新型冠狀病毒疫情嘅會務工作,提到有立法會議員對律師會做出不實指責。
與郭榮鏗老友鬼鬼嘅張達明會後即向郭榮鏗發短訊「通水」,提醒佢要準備「解籤」,同時喺社交平台公開內部檔案。律師會就事件成立獨立調查小組,經調查後確認張違反保密責任,並指事態嚴重。張達明事後喺社交網承認洩密,但宣稱自己「唔肯定郭榮鏗是否已經收到檔案」,亦「真誠認為」此舉不違反保密協議。

 

 

有法律界人士質疑律師會早前成立嘅獨立調查委員會既已裁定張達明違反保密責任,為何遲遲未有懲處方案?

 


雖然律師會事後已就此成立獨立調查委員會,並裁定張達明違反保密責任,甚至已通過不信任動議,但張未有依慣例主動請辭,堅持「認罪唔
認錯」。
近日有見郭榮鏗「走佬」,多位律師睇唔過眼,先後向律師會表達意見,促請會方繼續嚴正跟進事件,認為不能容忍個別理事因個人政治立場而無視法律專業操守,擅自將保密會議內容外洩。更有會員質疑既然張達明已被獨立委員會裁定有罪,為何遲遲未有懲處方案?
一名有關注洩密事件嘅律師話:「最近社會討論律師會嘅獨立監管權問題,質疑若然專業團體未能自律,為業界訂定良好標準,最終只會喪失獨立監管權,讓整個行業受損。」前律師會會長蘇紹聰向本刊透露,業界正密切關注社會質疑香港法律專業團體,能否保持專業來行使獨立監管權的聲音。
就洩密風波一事,本刊向張達明查詢,佢話早前已就事件作交代,沒甚麼可以補充。被問到會否為洩密事件辭去理事一職,張回答話:「無聽到有人要求我辭職噃,你聽邊個講?」記者問他近日有否聯絡好友郭榮鏗,未待聽罷問題,張達明就匆匆掛線。

被問到會否就洩密事件辭去理事一職,張達明話:「無聽到有人叫我辭職噃?」

 

悄悄離港赴加嘅郭榮鏗是非不斷,有法律界人士要求徹查去年佢同張達明嘅洩密事件。