為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2021 年 04 月 14 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

新世界招聘「見習企業家」

本港接連受社會事件和疫情打擊,最新官方統計顯示失業率達百分之七點二,係自二○○四年以來最高。可能有老闆會覺得請人容易咗,毋須大費周章「搶」人,但有遠見嘅企業了解到人才對公司長遠發展嘅重要性,好似新世界發展(0017)一直着意吸納年輕人,旗下Management Trainee Programme搞得有聲有色,本地和海外畢業生視之為熱選。
除MT計劃外,新世界上月中亦舉辦招聘會,開放近一千個職位空缺,涉及旗下多個機構,涵蓋可持續發展、數碼和建築,到體育及酒店等工種,適合好多不同求職者。
疫情下要搞實體活動實在唔簡單,我同新世界發展執行董事兼高級總監(人力資源)趙慧嫻(Jenny)傾過,佢好開心反應空前熱烈,吸引超過一萬人網上預先登記,其中約三成係待業人士,大多擁有旅遊及款待業經驗。
活動當日,集團各業務單位都有設立攤位,向參加者介紹職位和要求,有興趣人士可以即場應徵。疫情之下,雖然只得二千人獲邀親臨會場,但平均每人投遞多於一份申請,總計全日收到約三千份。對於未能出席嘅八千位求職者,集團開放網上申請至上月底,確保求職者享有均等機會。

Jenny於人力資源界工作多年,佢提醒求職者要展示自己對企業文化和業務嘅熱誠。

 


Jenny預告,集團將會推出一系列新項目,招聘會可以吸納人才滿足業務發展需要之餘,亦體現企業為社會創造共享價值(Creating Shared Value,CSV)嘅精神。集團一直透過分享商業成果,關懷有需要人士及家庭,並促進社會一同進步。我希望此舉可以喺商界起到模範作用,引領更多企業效法。
坊間有好多大學畢業生分享職場經歷,大部分都話因為欠缺實戰經驗而失落理想職業。Jenny喺招聘會上都見到唔少剛畢業大學生,但佢認為資歷淺反而係優點,畢竟「白紙」嘅可塑性最高,佢呼籲年輕人積極探索出路,對就業前景保持樂觀。
佢舉例話,招聘會上其中一個特色空缺叫「見習企業家」,主要係為集團培養後起之秀。入職冇指明要求幾多年經驗,只需應徵者具備創業思維,有能力肩負項目,並能推動及帶領團隊邁向目標。呢個「企業家」崗位,適合敢闖敢搏嘅畢業生。
事實上,創新亦係集團企業文化重要一環。近年宏觀營商環境變化多端,挑戰日新月異,企業因循守舊只會令發展停滯不前。新世界一向鼓勵員工擁抱成長心態,不斷自我增值,喺各自崗位上達到盡善盡美,一齊拉動集團進步。
創新思維下,不少新工種誕生,例如文化保育。集團今次都有喺招聘會物色人選從事皇都戲院歷史推廣及策劃,我睇過職位要求,同樣適合有志於文創事業嘅大學畢業生嘗試。
Jenny於人力資源界工作多年,佢提醒求職者要展示自己對企業文化和業務嘅熱誠,而且充分了解職位係咪符合自己喜好和生涯規劃,並要準備解釋自己點樣為公司增添價值。語調方面要自然自若,畀公司代表睇到自己最真實嘅一面,避免矯揉造作。
遴選程序將於本月中展開,我祝各位求職者馬到功成。