為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 04 月 13 日

與阿Sa首合作怕醜又緊張 姜濤注意健康對未來另一半負責

阿Sa及姜濤齊齊擔任子宮頸癌疫苗代言人。

蔡卓妍(阿Sa)為子宮頸癌疫苗代言超過15年,今年首度與姜濤合作。兩人在不同地點各自拍攝,特意去探阿Sa班的姜濤好似太緊張,再度「天然呆」上身,要阿Sa主動打招呼,十分搞笑。姜濤指,自己真係好緊張:「阿Sa對我嚟講係前輩,又係影后級人馬,佢主動同我打招呼咁Nice,搞到我有啲唔好意思。」

姜濤特意去探阿Sa班,不過又緊張到「天然呆」上身。

今次未能同場拍攝,姜濤坦言錯失大好偷師機會,大呼好可惜。姜濤爸爸及好友近日都突然入院,令他深切體會到健康的重要,「希望未來兩年可以同阿Sa拍住上,令香港人明白預防子宮頸癌嘅重要性。我都會Take action去預防,唔止係對自己,亦係對將來另一半應盡嘅責任。」

姜濤因身邊人而注意健康。

姜濤宣傳預防子宮頸癌。

阿Sa則好開心可與近期討論度好高的姜濤合作,「好開心有唔同嘅新面孔,多個人推廣,一齊合作宣傳呢件咁有意義嘅事!」代言多年的她只用了三分一時間,就輕鬆完成所有拍攝,果然好專業呀!

姜濤表示會對未來另一半負起健康責任。

不經不覺阿Sa已代言超過15年。

阿Sa好開心未來兩年可與姜濤合作推廣。

阿Sa代言多年,影硬照冇難度,好快就搞掂。