為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 04 月 11 日

「國安法啤牌」再現 梁家傑未坐監未退出

《港區國安法》眨眼實施大半年,法例通過前,坊間曾流傳一批被指有機會違反國安法嘅五十四位泛民人士,當中包括被列為鬼王嘅壹傳媒創辦人黎智英及民主黨創黨主席李柱銘、葵扇A既港大前副教授戴耀廷、梅花A就係身兼公民黨主席嘅大律師梁家傑。
呢副牌當日一出,引起唔少關注,事至今日牌中人命運各異,近日有人喺社交媒體發放另一副「國安啤牌」,主要係更新一吓呢五十四人嘅最新狀況,又掀起網民熱議。
牌中人唔少已被拘捕、被落案起訴,甚至已入罪,包括前立法會議員嘅胡志偉、毛孟靜、林卓廷、譚文豪、楊岳橋及尹兆堅等。而陳淑莊及郭榮鏗已退出政圈、許智峯就流亡去咗澳洲。
最令人關注嘅,係一直喺反修例風波中走得頗前嘅梁家傑。相比幾位因為參加泛民初選而被告上法庭嘅公民黨黨友,梁家傑此刻仍然無穿無爛,既無被拉,亦無淡出政壇,唔知算唔算係好彩?梁家傑曾公開承諾要與港人同行,但有政壇人士就話,佢應該要跟被捕黨友同行,為佢哋做過嘅事負番責任先至啱。

有份上啤牌榜嘅大律師梁家傑,算係「倖存者」之一。

 

社交媒體近日流傳「國安法啤牌」新版本,更新五十四名泛民人士嘅最新狀況。