為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2021 年 04 月 10 日

車Camp大暴走

這一年,野外活動大行其道,其中汽車露營是新興節目之一,實行車、營合一,去到邊,玩到邊,住到邊!
陳山聰的胞兄陳山海夫婦,早前就買入一台越野四驅車,方便和太太李碧君到內地穿州過省去camping;而何雁詩和鄭俊弘近日亦在朋友安排下,初嘗汽車露營樂趣,晚上BBQ,早上聽鳥兒和唱,享受悠閒的大自然生活。

肇慶這個營地,坐落於大草地上,旁邊是河川山色,在帳篷下坐上一個下午,歎杯咖啡、玩玩手機,感覺自在舒暢。李碧君悉心布置,小桌上鋪上桌布、擺放鮮花和水果,優雅別緻。

 

陳山海夫婦 肇慶河畔看星空

陳山聰的胞兄陳山海和太太李碧君長居澳門,過了一年疫情生活,逐漸掌握生活節奏,最近他們就愛上汽車露營,早前更相約志同道合好友,駕駛越野四驅車到內地不同城巿玩car camping。李碧君說:「o依家冇得去日本和歐洲,唯有去內地玩,之前去過江門嘅營地,今次去咗肇慶,但呢個營地冇水冇電,所以準備工作要做多少少。每次都係老公揸車,準備營具,及搭建帳篷,我就負責準備食材,同埋佈置場地營造氣氛。」
他們晨早由珠海出發,中午已到達肇慶一處河畔搭營,三日兩夜的行程,樂而忘返。「我哋兩男四女揸咗三架車,到達後老公火速搭好個營,下午喺附近踩單車同放風箏,晚上食完飯就睇星星及睇電影。我哋幾位女士會輪流煮早、午餐、下午茶、晚餐和宵夜,午餐有韓式鍋飯,下午茶有法國白酒、芝士、火腿、士多啤梨、麻薯包同蛋撻,晚餐就BBQ。好多朋友睇到啲相,都話想跟我哋去玩。
「試過呢幾次自駕遊,我發覺其實內地有好多地方值得去睇睇,雖然很多景區唔能夠和歐洲相比,但都係一個唔錯嘅休閒節目。」

為了在內地穿州過省去玩,陳山海於半年前買了一架越野四驅車,旅途上即使攀山涉水都冇難度。「汽車露營最好自己有車,因為啲裝備都好佔地方,擺晒喺車就最方便。」

 

他們玩汽車露營,配套一絲不茍,「玩嘅時候開心,但買嘢和準備嘅過程亦係另一種愉悅。不過國內去廁所就比較麻煩,港澳人未必習慣。」