為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 04 月 03 日

理事自認外國勢力 律師會改選憂政治干預

香港律師會五月舉行周年大會,二十名理事中,最資深五人夠鐘退位讓賢,進行改選。泛民主派上一次改選連取四個理事席位,加起來合共七席,若然今次再下一城全取呢五席,就首次拎到過半數控制權,有能力派人問鼎會長寶座。
有人話泛民連律師會個地盤都想搶佔,全因今屆九月立法會選舉好大機會再延期一年,加上早前多名泛民議員疑違反《港區國安法》被捕,令佢哋發聲平台幾乎全部冚旗,有需要開發其他地盤,而律師會就係其中一個重點目標。
泛民虎視眈眈都係其次,最令律師會一班會員擔心嘅,係會內部分理事近年同疑似「外國勢力」行得好埋。有律師擔心業界專業受政治衝擊,近日發出一封署名「一群真心愛香港的事務律師」嘅公開信,呼籲法律界警惕外國政治勢力,借香港法律界破壞中港嘅社會安寧。

律師會五月改選理事,有指泛民有意再次發動搶位戰,圖取得該會控制權。

 

 

 

黃耀初喺社交媒體自認係「外國勢力」,引來業界譁然後,即「秒改」帖文。

 


公開信一出,去年勝出理事會選舉嘅黃耀初(Davyd)疑自己對號入座,喺社交平台帖文「外國聲音……包括我」,又話有「外國聲音」先凸顯香港「開放國際城市」嘅形象。但呢番言論引來業內人士譁然,黃耀初見勢色不對即「秒改」帖文。據知黃耀初喺行內知名度一般,去年隨林洋鋐晉身律師會理事會才開始有人識佢,但選舉後好少見佢企出來,有會員猜測佢「突然活躍」,或者同理事會選舉臨近有關。
法律界組織政治化問題,先有言論惹火嘅香港大律師公會主席夏博義,被發現有英國政黨背景;至於律師會,去年自稱「開明派」而得以晉身理事會嘅彭皓昕,一九年十月跟埋壹傳媒創辦人黎智英及民主黨創黨主席李柱銘到美國,與眾議院議員佩洛西會面。
二○年初,佢又跟隨時任立會議員嘅郭榮鏗訪問挪威及瑞典,見到時任挪威國會議員古里.梅爾,彭仲即時拉埋郭榮鏗一齊合照。來自「何謝韋律師事務所」嘅彭皓昕,近年頻頻走抗爭律師路線,與林洋鋐及一起當選理事嘅蔡穎德,為唔少被捕抗爭者提供法律支援服務。
至於林洋鋐,喺社運界無人不曉。原名叫林耀強嘅佢,喺八九民運時當過學聯主席,後來轉讀法律並開設律師行。反修例風波後,林會聘用抗爭者做嘢,有指早前喺沙田新城市廣場咬斷警長手指被判囚五年半嘅港大畢業生杜啟華,入獄前就曾喺林嘅律師行返工。

彭皓昕(右一)一九年跟隨黎智英(左一)及李柱銘(右二)到美國,與眾議院議員佩洛西(左二)會面。