想屋企風水好，唔一定要滿屋風水法器！
著名風水師龍景銓的入室弟子馬昭立，99年搬進佐敦覺士道一個高層1000呎單位，一住便二十多年。一室設計簡約，客廳除了擺放他珍藏的太空隕石、天珠和羅盤等寶物，沒有多餘雜物，「我唔會刻意擺風水陣，只會喺布置方面着手，將藝術融合風水，即使擺咗，我唔講，你唔會察覺到。」
馬昭立一臉運籌帷幄，看着自己親手繪畫的山水油畫，滿意地說着。

長方形客廳，樓底高，格局闊落，落地巨窗望出去一片綠油油，心曠神怡。

匯財堂局

下午時份，踏進馬昭立的居所，偌大的落地玻璃巨窗，將戶外光線引進入屋，窗外一片綠油油景觀，光猛又醒神，「呢間屋係師父（龍景銓）當年幫我搵，風水好好o架，客廳望出去無遮無擋，下面係木球會，幾個球場一片翠綠景緻，成個堂局寬闊有氣勢，旺財又聚財。」
近年以電腦統計學，鑽研風水和擇日揚名的馬昭立，精通風水術數，但置身其居所內，卻不覺得有明顯的風水擺設，「風水命理都有好多門派，好似打功夫咁，有少林、武當，崑崙等，每個門派都有自己一套，但大方向一致。我比較鍾意將啲風水融入家中，好以我呢度地方細，可以擺一幅遠景嘅畫，配合番出面嘅堂局，搵咗好耐都睇唔啱，唯有自己畫囉！Art jamming，最後畫咗幅山景畫，山係代表有靠山，配合番風水原則。而免仔擺設同有隻豬仔嘅午餐肉油畫，亦係一個合局，朋友嚟到只會覺得係藝術品，唔覺得係風水擺設。」

他以數百元買了一個七、八十年代，家家戶戶都有的轉盤電話，「仲用得o架，呢啲傳統電話，停電都用到，只係鈴聲大啲，夜晚響起，真係午夜凶鈴咁款o架！」

馬師傅精選了少部份收藏品放在客廳，以便閒時觀賞，「隕石有百幾塊、羅盤有十幾個、佛珠都有幾十條，大部分喺倉。我係個怪人，鍾意玩啲少人玩嘅嘢。」