為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 03 月 29 日

聞廖啟智病逝難接受 關寶慧袁富華望《兩夫妻》可重演

寶慧和Ben哥合演由鄧樹榮執導的舞台劇《兩夫妻》,昨晚順利完成11場演出。

關寶慧和袁富華(Ben)最近首度合演由鄧樹榮執導的舞台劇《兩夫妻》,昨晚順利完成11場演出,兩人很感恩能在疫情下場場爆滿,所以很期待能盡快重演,而導演鄧樹榮承認已有計劃,但要待場地安排。當寶慧和Ben哥得知廖啟智病逝消息,兩人大感難接受,他們只望智叔一路好走及其家人保重。

寶慧和Ben哥笑言合演夫妻太愉快索性去結婚。

完騷後,寶慧和Ben哥到大堂跟觀眾合照,兩人亦大談演出後感受。寶慧說:「11場演出好順利,場場都爆晒,真係開心到不得了!原本打算做20場,但啲飛到開始演出先賣晒,想加場都加唔到,希望導演可以安排重演,真係唔捨得,啱啱先熟識成件事就話完啦!」她又要感謝戲中「老公」,「佢幫我好多,佢同導演不斷提點我,係畢生受用!(Ben:唔好咁講啦!)真係o架!我冇留意到嘅嘢,全部係佢哋教我o架!我做演員會有盲點,佢哋全部留意到。」

寶慧和Ben哥聽到導演鄧樹榮計劃重演相當高興。

寶慧和Ben哥跟台前幕後合照留念。

搞笑打算結婚

Ben哥就覺得疫情下有此成績好感恩,「初頭都擔心唔知排得咁辛苦有冇得做,大家有個信念,努力就有回報,初頭啲飛唔係去得好好,慢慢就嚟。」他亦好贊成重演,「頭先我都咁樣同佢講o架!我哋沉澱吓,等佢再rerun,將個感情再深化啲。」笑他們「夫妻關係」再深厚啲先重演,寶慧即講笑話:「不如我哋試吓結婚!(Ben:唔好試啦我哋直情結婚!)聽日去註冊,註咗再話你哋知!」

本來兩人心情輕鬆,當告知智叔病逝消息,他們即時面色一沉,寶慧不停說:「點解會咁快o架!」之後定過神才說:「我喺TVB時同智叔合作過兩套劇,一套係《射鵰英雄傳》,一套我哋仲演情侶,真係好難接受,點解會咁o架!希望(陳)敏兒保重,智叔亦一路好走。」Ben哥說:「我同智叔《煙雨紅船》係第一次合作,跟住有啲電影都有合作過,佢係我一直好尊敬嘅演員,希望佢屋企人要保重,大家真係要珍惜當下,呢個消息實在太突然,真係消化唔到。」

寶慧獲好友袁詠儀、張智霖及何婉盈送花道賀。

寶慧和Ben哥離開前仍依依不捨攬到實。

劇中寶慧和Ben哥飾演一對結婚多年的夫妻。