為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 03 月 26 日

八逃犯刑滿返港 警方加控潛逃罪

十二名企圖偷渡去台灣,結果畀內地海警截獲嘅香港逃犯,繼兩個未成年獲內地法院酌情不起訴並送返香港後,本周一再有八人刑滿出獄,同樣被送返香港。其中涉嫌違反《港版國安法》中的勾結外國或者境外勢力罪嘅李宇軒最先返抵,即時由警方國安處人員帶走調查。其餘七人,包括「屠龍小隊」成員張俊富、張銘裕和郭子麟在內,就會由佢哋本身所涉案件嘅調查人員跟進處理。
根據深、港兩地現行嘅防疫政策,由深圳來港人士,理應不用接受隔離觀察十四日,雖然有人話呢八位仁兄喺深圳服刑期間都有做過新冠病毒檢測,全部呈陰性,但出獄後佢哋無法自行再做檢測,攞唔到陰性報告證明,所以一律都要隔離。
此外,各人喺香港亦孭住唔少罪行,加上因為棄保潛逃,全部都會被加控「不依期歸押罪」,即係隔離完就要出庭應訊,並估計法官極大機會唔會再畀佢哋保釋,需要繼續收押接受審訊或調查。

 

 

兩名逃犯由深圳回港後,先被押到天水圍警署「落簿」,再由其所涉罪案的調查人員帶走。